عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
سڵاڤ 
1
ژ مە، پاولۆس و تیمۆتاوسی، بەنیێن مەسیح عیسای، بۆ وان هەمیێن ل فیلیپی، ئەوێن ب رێیا مەسیح عیسای هاتینە پیرۆزكرن، ل گەل چاڤدێر و خزمەتكاران:
2
كەرەم و ئاشتی ژ بابێ مە خودێ و ژ خودان عیسایێ مەسیح ل سەر هەوە بن.
سوپاسی و نڤێژ 
3
ئەز سوپاسیا خودایێ خۆ دكەم، هەر گاڤا ئەز هەوە دئینمە بیرا خۆ.
4
هەردەم د هەمی نڤێژێن خۆ دا، ئەز ب دلخۆشی داخوازێ بۆ هەوە هەمیان دكەم،
5
ژ بەر پشكداریا هەوە د مزگینیدانێ دا، هەر ژ رۆژا ئێكێ تا نوكە.
6
ئەز یێ پشتڕاستم، كو ئەوێ[a] كارەكێ باش د دلێ هەوە دا دەست پێ كری، دێ یێ بەردەوام بیت تا ل رۆژا مەسیح عیسای تەمام دبیت.
7
بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا، هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.
8
خودێ شاهدێ منە كا چەند ب دلنەرمیا مەسیح عیسای، ئەز بیریا هەوە هەمیان دكەم.
9
نڤێژا من ژی ئەوە: كو حەزژێكرنا هەوە پتر و هێشتا پتر ل گەل زانین و هەمی تێگەهشتنێ زێدە ببیت،
10
داكو هوین یا باشترین بهەلبژێرن، ئەڤجا د رۆژا مەسیحی دا ددلپاقژ و بێكێماسی بن
11
و دپڕ بن ژ بەرهەمێ راستداریێ[b] ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.
بەڵاڤبوونا مزگینیێ 
12
من دڤێت هوین بزانن، گەلی برا، كو ئەو تشتێن هاتینە سەرێ من، زێدەتر هاریكاریا پێشڤەچوونا مزگینیێ كر.
13
تاكو بۆ هەمی زێرەڤانێن كۆچكێ و هەمیێن دی ژی ئاشكرا بوو كو گرتنا من ژ پێخەمەت مەسیحیە.
14
گرتنا من باوەریا پڕانیا برایان ب خودانی قاییم كر، ئەڤجا ئەو نوكە گەلەك زێدەتر دوێرن پەیڤێ[c] بێ ترس رابگەهینن.
15
راستە هندەك ژ چاڤپێڕانەبوون و هەڤڕكیێ مەسیحی ددەنە نیاسین، لێ هندەك ژی ب نیازەكا باش.
16
ئەڤە ژ حەزژێكرنێ وێ چەندێ دكەن، چنكو ئەو دزانن ئەز ژ بۆ بەرگریكرنێ ژ مزگینیێ ل ڤێرێ هاتیمە دانان.
17
لێ ئەوێن دی ژ هەڤڕكیێ مەسیحی ددەنە نیاسین، نە ب نیازەكا پاقژ. ئەو هزر دكەن دێ رەوشا من د قەیدێ دا نەخۆشتر لێ كەن.
18
ئێدی قەیدی نینە! چ ب نیازەكا پیس بیت یان ژی ب نیازەكا پاقژ، ب هەر شێوەیەكی بیت بانگەوازی بۆ مەسیحی دهێتە كرن، ئەز ب ڤێ چەندێ یێ دلخۆشم.
بەلێ، دێ ل سەر دلخۆشیێ یێ بەردەوام بم ژی،
19
چنكو ئەز دزانم، ب نڤێژێن هەوە و ب هاریكاریا گیانێ عیسایێ مەسیح، دێ دویماهیا ڤێ چەندێ قورتالبوونا من بیت.
20
هیڤی و چاڤەڕێیا من ئەوە كو ئەز د چ تشتی دا نەهێمە شەرمزاركرن، لێ ب هەمی وێرەكی، نوكە ژی وەكو هەر جار، مەزناهیا مەسیحی ب رێكا لەشێ من دیار ببیت، چ ب ژیانا من بیت یان ژی ب مرنا من.
21
چنكو بۆ من ژیان مەسیحە و مرن ژی قازانجە.
22
ئەگەر ئەز ب ژیانا لەشی یێ بەردەوام بم، رامانا وێ بۆ من ئەوە كو ئەز پتر كارێ ب بەرهەم بكەم، ئەڤجا ئەز نزانم كی ژ وان هەلبژێرم.
23
د ناڤبەرا هەردوویان دا فشارەكا دژوار ل سەر منە: ئەز حەز دكەم بچم و ل گەل مەسیحی بم، ئەڤە گەلەك چێترە.
24
لێ مانا من یا د لەشی دا، بۆ هەوە پێدڤیترە.
25
ئەز ژ ڤێ چەندێ یێ پشتڕاستم، لەوما دزانم كو دێ مینم و ل گەل هەوە هەمیان دێ یێ بەردەوام بم، ژ پێخەمەت پێشڤەچوون و دلخۆشیا هەوە د باوەریێ دا،
26
داكو دەمێ ئەز جارەكا دی دهێمە نك هەوە، هەوە ب من پتر ئەگەرێن شانازیبرنێ ب مەسیح عیسای هەبن.
27
لێ ب تنێ ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ بۆ باوەریا مزگینیێ دكەن
28
و هوین ب چ شێوەی ژ وان یێن بەرهنگاریا هەوە دكەن، ناترسن. ئەڤە بۆ وان بەلگەیێ وێرانبوونا وانە، لێ یێ قورتالبوونا هەوەیە و ئەڤە ژی ژ لایێ خودێ ڤەیە.
29
چنكو وی كەرەم ل گەل هەوە كریە كو هوین نە ب تنێ باوەریێ ب مەسیحی بینن، لێ دا ئازارێ ژی ژ پێخەمەت وی بكێشن.
30
نوكە هوین ژی د هەمان جەنگێ دانە، ئەوا هەوە ژ من دیتی و نوكە ژی هوین دبهیسن كو ئەز هێشتا یێ تێدا.[d]
  1. a. 1‏:6 ئانكو خودێ
  2. b. 1‏:11 راست و دروستیێ
  3. c. 1‏:14 ئانكو پەیاما مەسیحی
  4. d. 1‏:30 كارێن هنارتیان 16‏:19‏-40