عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- نموونەیا تۆڤچینی
- 1
- عیسای جارەكا دی ل سەر لێڤا دەریاكێ دەست ب فێركرنێ كر. خەلكەكێ زۆر لێ خڕڤە بوو، ژ بەر هندێ ئەو ل بەلەمەكا د دەریایێ دا سیار بوو و روینشت و هەمی خەلك ژی ل سەر لێڤا دەریاكێ ل ئەردی بوون.
- 2
- وی ب نموونەیان ئەو فێری گەلەك تشتان دكرن. د فێركرنا خۆ دا گۆتە وان:
- 3
- «هشیار بن و گوهێ خۆ بدەنێ! تۆڤچین دەركەفت دا تۆڤی بهاڤێژیت.
- 4
- دەمێ وی تۆڤ دهاڤێت، هندەك ژێ كەفتە سەر رێكێ، ئینا باڵندە هاتن و خوار.
- 5
- هندەك ژی كەفتە سەر ئەردەكێ كەڤرین یێ كێم ئاخ و زوی شین بوو، چنكو ئاخا وی نە یا كویر بوو.
- 6
- دەمێ رۆژ هەلاتی، سۆت و چنكو یێ بێ رەهـ بوو، هشك بوو.
- 7
- هندەك ژی كەفتە ناڤ ستریان، ستریان وەرار كر و ئەو فەتساند و چ بەرهەم نەدا.
- 8
- هندەك ژی كەفتە ئەردەكێ باش و بەرهەم دا. ئەو شین بوو و وەرار كر و بەرهەم دا، هندەكان سیهـ جاركی و هندەكان شێست جاركی و هندەكان ژی سەد جاركی.»
- 9
- پاشی عیسای گۆت: «ئەوێ گوهـ بۆ بهیستنێ هەبن، بلا ببهیسیت.»
- ئارمانجا نموونەیان
- 10
- دەمێ عیسا مایە ب تنێ، ئەوێن ل دەوروبەرێن وی و هەر دوازدان پرسیارا رامانا نموونەیێ ژێ كر،
- 11
- وی گۆتە وان: «نهێنیا پاشایەتیا خودێ بۆ هەوە یا هاتیە دان، لێ بۆ ئەوێن ژ دەرڤە، هەمی تشت ب نموونەیان دهێتە گۆتن
- 12
- دا ‹چاڤ ڤەكری لێ بنێڕن و نەبینن،
گوهـ ڤەكری ببهیسن و تێنەگەهن،
نەكو بزڤڕنەڤە، ئەڤجا ل گونەهێن وان بهێتە بورین.›»[a] - رامانا نموونەیا تۆڤچینی
- 13
- پاشی گۆتە وان: «ما هوین د ڤێ نموونەیێ نەگەهشتن؟ پا چەوا دێ د هەمی نموونەیێن دی گەهن؟
- 14
- تۆڤچین پەیڤێ[b] دچینیت.
- 15
- ئەوێن ل سەر رێكێ، ل وی جهێ پەیڤ دهێتە چاندن، ئەڤەنە: دەمێ گوهـ لێ دبن، ئێكسەر ئبلیس دهێت و پەیڤا د دلێ وان دا هاتیە چاندن، دڕەڤینیت.
- 16
- هەروەسا ئەوێن ل سەر ئەردێ كەڤرین هاتینە چاندن، ئەو كەسن یێن دەمێ گوهـ ل پەیڤێ دبن، ئێكسەر ب دلخۆشی وەردگرن،
- 17
- لێ ژ بەر كو رەهـ د وان دا نینن، ئەو د دۆمكورتن، ئەڤجا دەمێ تەنگاڤی یان تەپەسەری ژ بەر پەیڤێ ب سەرێ وان دهێت، ئێكسەر پەیڤێ دهێلن.
- 18
- هندەكێن دی ئەون یێن د ناڤ ستریان دا هاتینە چاندن. ئەون یێن پەیڤێ دبهیسن،
- 19
- لێ خەمێن ڤێ جیهانێ و خاپاندنا دەولەمەندیێ و حەزژێكرنا تشتێن دی دكەڤیتە د ناڤ وان دا و پەیڤێ دفەتسینن و پەیڤ بێ بەرهەم دبیت.
- 20
- ئەوێن ل ئەردێ باش هاتینە چاندن ئەڤەنە: ئەون یێن پەیڤێ دبهیسن و وەردگرن و بەرهەمی ددەن، هندەك سیهـ جاركی، هندەك شێست جاركی و هندەك سەد جاركی.»
- نموونەیا چرای
- 21
- هەروەسا گۆتە وان: «ئەرێ كەسەك چرایەكی دئینیت، دا ل بن ئامانەكی یان ژی ل بن تەختی دانیت؟ ما نادانیتە سەر چرادانكێ؟
- 22
- چ ڤەشارتی نینن، ئەگەر بۆ ئاشكرابوونێ نەبن و تشتەك نەبوویە نهێنی، ئەگەر بۆ دیاربوونێ نەبیت.
- 23
- ئەگەر كەسەكی گوهـ بۆ بهیستنێ هەبن، بلا ببهیسیت.»
- 24
- پاشی گۆتە وان: «بنێڕن تشتێ هوین گوهداریێ دكەن! ب وی پیڤەرێ هوین دپیڤن، دێ بۆ هەوە ژی ب وی هێتە پیڤان و دێ بۆ هەوە زێدەتر بیت،
- 25
- چنكو ئەوێ هەیی دێ پتر بۆ وی هێتە دان و ئەوێ نەیی، خۆ یێ هەی ژی دێ ژێ هێتە ستاندن.»
- نموونەیا تۆڤێ شین دبیت
- 26
- گۆت ژی: «پاشایەتیا خودێ هۆسایە: مرۆڤەكی تۆڤ دهاڤێتە سەر ئەردی.
- 27
- ب شەڤێ دنڤیت و ب رۆژێ رادبیت، تۆڤ شین دبیت و وەرارێ دكەت و ئەو نزانیت چەوا.
- 28
- ئەرد ب خۆ بەرهەمی ددەت، ل پێشیێ بستیكێ ددەت، پاشی دكەتە گولی، پاشی دكەتە گولیەكا تژی گەنم.
- 29
- ئەڤجا دەمێ بەرهەم دگەهیت، ئێكسەر شالۆكێ دهاڤێژیتێ، چنكو دەمێ دروینێ یێ هاتی.»
- نموونەیا تۆڤكا خەردەلێ
- 30
- پاشی گۆت: «ئەم پاشایەتیا خودێ وەكو چ دانین؟ یان ژی ب چ نموونە دیار بكەین؟
- 31
- ئەو وەكو دندكەكا خەردەلێیە، كو ژ هەمی تۆڤێن ل سەر ئەردی دهێنە چاندن بچویكترە،
- 32
- لێ پشتی چاندنێ بلند دبیت و دبیتە مەزنترین شینكاتی و چەقێن هند مەزن ددەت كو باڵندەیێن ئەسمانی دشێن ل بن سیبەرا وێ ڤەحەویێن.»
- 33
- ب گەلەك نموونەیێن ژ ڤی شێوەی، عیسای ل دویڤ ئاستێ ئەو دشیان تێبگەهن پەیاما خودێ بۆ وان رادگەهاند
- 34
- و بێ نموونە ل گەل وان نەدئاخفت، لێ دەمێ ل گەل شاگردێن خۆ ڤەدەر دبوو، ئەوی هەمی تشت دیار دكرن.
- عیسا باڕۆڤەیێ ئارام دكەت
- 35
- دەمێ بوویە ئێڤار، گۆتە وان: «دا دەرباز ببینە رەخێ دی یێ ئاڤێ!»
- 36
- و شاگردان جەماوەر ڤەڕەڤاند و عیسا ب بەلەم ڤە بر، هندەك بەلەمێن دی ژی د گەل دا بوون.
- 37
- باڕۆڤەیەكا توند هات و پێلان ل بەلەمێ ددا و چ نەمابوو تژی ئاڤ ببیت.
- 38
- عیسای ژی ل پاشیا بەلەمێ سەرێ خۆ ل سەر بالیفكێ دانابوو و نڤستبوو، ئینا هشیار كر و گۆتنێ: «مامۆستا، ما دلێ تە ب مە ڤە نینە كو ئەم ژ ناڤ بچین؟»
- 39
- ئینا ئەو رابوو و ل بای حەیتاند و گۆتە دەریاكێ: «كڕ بە، بێدەنگ بە!» با راوەستیا و ئارامیەكا مەزن پەیدابوو.
- 40
- ئەڤجا گۆتە وان: «بۆچی هوین دترسن؟ ما هێشتا هەوە باوەری نینە؟»
- 41
- ترسەكا مەزن ئەو گرتن و گۆتنە ئێكودوو: «ئەڤە كیە؟ هەتا با و دەریا ژی گوهێ خۆ ددەنێ!»
