عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
ئبلیس عیسای تاقی دكەت 
1
پاشی گیانێ خودێ عیسا برە چۆلی، دا ژ لایێ ئبلیسی ڤە بهێتە تاقیكرن.
2
پشتی چل رۆژ و چل شەڤان ب رۆژی بووی، برسی بوو.
3
تاقیكەر هاتە نك و گۆتێ: «ئەگەر تۆ كوڕێ خودێی، بێژە ڤان بەران ببنە نان!»
4
عیسای بەرسڤ دا و گۆت: «یا هاتیە نڤیسین:
مرۆڤ نە ب تنێ ب نانی دژیت،
لێ ب هەر پەیڤەكا ژ دەڤێ خودێ دەردكەڤیت.[a] »
5
پاشی ئبلیسی ئەو برە باژێڕێ پیرۆز و ل سەر لێڤا بانێ پەرستگەهێ راوەستاند
6
و گۆتێ: «ئەگەر تۆ كوڕێ خودێی، خۆ بهاڤێژە خوارێ، چنكو یا هاتیە نڤیسین:
ئەو دێ دەربارەی تە فەرمانێ ل فریشتەیێن خۆ كەت
و دێ تە ل سەر دەستێن خۆ هەلگرن،
نەكو پێیێ تە ب بەرەكی بكەڤیت[b]
7
عیسای گۆتێ: «هەروەسا یا هاتیە نڤیسین: خودان خودایێ خۆ تاقی نەكە[c]
8
پاشی ئبلیسی ئەو برە سەرێ چیایەكێ گەلەك بلند و هەمی پاشایەتیێن جیهانێ و مەزناهیا وان نیشا دان
9
و گۆتێ: «ئەز دێ ڤان هەمیان دەمە تە، ئەگەر تۆ بۆ من چوك ڤەدەی و سوجدێ ببەی!»
10
ئینا عیسای گۆتێ: «هەڕە هەی ئبلیس! چنكو یا هاتیە نڤیسین:
بۆ خودان خودایێ خۆ سوجدێ ببە و وی ب تنێ بپەرێسە[d]
11
وی دەمی ئبلیسی ئەو هێلا و وەسا چێبوو فریشتە هاتنە نك و خزمەتا وی كر.
عیسا دەست ب كارێ مزگینیدانێ دكەت 
12
پشتی عیسای گوهـ لێ بووی كو یوحەننا یێ هاتیە گرتن، چوو جەلیل
13
و ناسیرە هێلا و بەرەڤ كەفەرناحوم چوو، ئەوا دكەڤیتە سەر لێڤا دەریاكێ، ل ناڤ سنوورێن زەبولون و نەفتالی و ل وێرێ ئاكنجی بوو.
14
ئەڤ چەندە چێبوو داكو ئەوا ب رێیا ئیشایا پێغەمبەری هاتیە گۆتن، ب جهـ بهێت، دەمێ دبێژیت:
15
ئەردێ زەبولون و ئەردێ نەفتالی،
رێكا دەریایێ ل لایێ دی یێ رویبارێ ئوردن،
دەڤەرا جەلیلا مللەتان، [e]
16
ئەو خەلكێ د تاریێ دا روینشتی،
رۆناهیەكا مەزن دیت
و ئەوێن ل دەڤەر و سیبەرا مرنێ دروینشتی،
رۆناهیەك ب سەردا هات.[f]
17
ژ هنگی وەرە عیسای دەست ب راگەهاندنا مزگینیێ كر و دگۆت: «ل خۆ بزڤڕن، چنكو پاشایەتیا ئەسمانان یا نێزیك بووی.»
عیسا شاگردێن ئێكەمین داخواز دكەت 
18
دەمێ عیسا ل بەر كنارێ دەریاكا جەلیل بڕێڤە دچوو، دوو برایێن ئێك دیتن، ئەو ژی شەمعون بوو یێ دگۆتنێ پەترۆس و برایێ وی ئەندراوس، یێ تۆڕێ دهاڤێژنە د دەریاكێ دا، چنكو ئەو ماسیگر بوون.
19
گۆتە وان: «ب دویڤ من بكەڤن، دێ هەوە كەمە نێچیرڤانێن مرۆڤان!»
20
ئێكسەر وان تۆڕێن خۆ هێلان و ب دویڤ وی كەفتن.
21
پاشی ژ وێرێ وێڤەتر چوو، دوو برایێن دی دیتن، ئەو ژی یەعقوبێ كوڕێ زەبەدی و یوحەننایێ برایێ وی بوون. د بەلەمێ دا ل گەل بابێ خۆ تۆڕێن خۆ دروست دكرن، ئینا گازی وان كر.
22
وان ئێكسەر بەلەم و بابێ خۆ هێلان و ب دویڤ وی كەفتن.
عیسا فێركرنێ دكەت و نەخۆشان ساخ دكەت 
23
عیسا ل ناڤ هەمی دەڤەرا جەلیل دگەڕیا و فێركرن د ناڤ كنیشتەیێن وان دا دكر، مزگینیا پاشایەتیێ رادگەهاند و هەمی دەرد و نەخۆشیێن د ناڤ مللەتی دا ساخ دكرن.
24
ئەڤجا ناڤودەنگێن وی ل هەمی سوریێ[g] بەڵاڤ بوو، ئەوان ژی هەمی نەخۆش ئینانە نك، یێن دەرد و ژانێن جۆراوجۆر لێ، یێن ئەجنەیان هنگافتی، یێن تەبویی و یێن فاڵنجیبووی. وی هەمی ساخ كرن
25
و جەماوەرێن مەزن ژ جەلیل و دێكاپۆلیس[h] و ئورشەلیمێ و یەهودیایێ و لایێ دی یێ رویبارێ ئوردن[i] ب دویڤ كەفتن.
  1. a. 4‏:4 گۆتارا مووسای 8‏:3
  2. b. 4‏:6 زەبوور 91‏:11‏-12
  3. c. 4‏:7 گۆتارا مووسای 6‏:16
  4. d. 4‏:10 گۆتارا مووسای 6‏:13
  5. e. 4‏:15 مەبەست پێ مللەتێن نە جوهی
  6. f. 4‏:16 ئیشایا 9‏:1‏-2
  7. g. 4‏:24 مەبەست پێ ئەو دەڤەرە یا دكەڤیتە باكوورێ جەلیل. ل فەرهەنگۆكێ بنێڕە
  8. h. 4‏:25 q دێكاپۆلیس: ئانكو دەهـ باژێڕ. ل فەرهەنگۆكێ بنێڕە.
  9. i. 4‏:25 رویبارێ ئوردن دكەڤیتە رۆژهەلاتێ ئورشەلیمێ و ‹لایێ دی یێ رویبارێ ئوردن› رۆژهەلاتێ رویباریە.