عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
یوحەننایێ تافیركەر رێكێ ئامادە دكەت 
1
د وان رۆژان دا، یوحەننایێ تافیركەر ل چۆلێ یەهودیایێ دیار بوو، ئەوی رادگەهاند
2
و دگۆت: «ل خۆ بزڤڕن، چنكو پاشایەتیا ئەسمانان یا نێزیك بووی.»
3
یوحەننا ئەوە یێ ئیشایا پێغەمبەری بەحسێ وی كری و گۆتی:
«دەنگەك ل چۆلی گازی دكەت:
‹رێكێ بۆ خودانی ئامادە بكەن،
پەیادەڕێیان[a] بۆ هاتنا وی راست بكەن.›»[b]
4
یوحەننای جلكەكێ ژ پویرتێ حێشتران دكرە بەر خۆ و ناڤتەنگا خۆ ب قایشەكا كەڤلی گرێ ددا و خوارنا وی كولی و هنگڤینێ چۆلی بوون.
5
هنگی خەلكێ ئورشەلیمێ و هەمی دەڤەرا یەهودیایێ و هەمی دەوروبەرێن رویبارێ ئوردن دەردكەفتن و بەرەڤ وی دچوون
6
و دانپێدان ب گونەهێن خۆ دكر و ل سەر دەستێ وی د رویبارێ ئوردن دا دهاتنە تافیركرن[c] .
7
دەمێ یوحەننای دیتی گەلەك ژ فەریسی و سەدوقیان[d] یێ دهێنە نك وی دا بهێنە تافیركرن، گۆتە وان: «هەی تێژكێن ماران، كێ هوین ئاگەهدار كرینە ژ تۆڕەبوونا بهێت بڕەڤن؟
8
بەرهەمەكێ وەسا بدەن كو هەژی لخۆزڤڕینێ بیت
9
و د دلێ خۆ دا نەبێژن: ‹ئیبراهیم بابێ مەیە›، چنكو ئەز دبێژمە هەوە كو خودێ دشێت ژ ڤان بەران زاڕۆكان بۆ ئیبراهیمی دەربئێخیت.
10
ئەڤە دەڤێ بڤری یێ ل سەر رەها دارێ هاتیە دانان. ئەڤجا هەر دارەكا بەرهەمەكێ باش نەدەت، دێ هێتە بڕین و بۆ ناڤ ئاگری هێتە هاڤێتن.
11
ژ بۆ لخۆزڤڕینێ ئەز هەوە ب ئاڤێ تافیر دكەم، لێ ئەوێ پشتی من دهێت ژ من ب هێزترە، ئەز نە یێ هەژی هەلگرتنا پێلاڤا ویمە. ئەو دێ هەوە ب گیانێ پیرۆز و ئاگری تافیر كەت.
12
ملهێبا[e] وی یا د دەستی دا و دێ بێدەرا خۆ پاقژ كەت و گەنمێ خۆ د عومبارێ دا خڕڤە كەت، لێ كایێ دێ ب ئاگرەكێ ناڤەمریێت، سوژیت.»
تافیركرنا عیسایێ مەسیح 
13
هنگی عیسا ژ دەڤەرا جەلیل هاتە رویبارێ ئوردن و چوو نك یوحەننای، دا ل سەر دەستێ وی بهێتە تافیركرن.
14
لێ یوحەننا رازی نەبوو و گۆت: «ئەز یێ پێدڤیمە ل سەر دەستێ تە بهێمە تافیركرن و تۆ یێ دهێیە نك من؟!»
15
ئینا عیسای بەرسڤا وی دا و گۆتێ: «ڤێ گاڤێ رازی ببە! چنكو هۆسا باشە كو هەر تشتێ خودێ دڤێت[f] ، ئەم وی ب جهـ بینین.» وێ گاڤێ یوحەننا رازی بوو.
16
پشتی عیسا هاتیە تافیركرن، ئێكسەر ژ ئاڤێ دەركەفت و ژ نشكەكێ ڤە ئەسمان بۆ وی ڤەبوو و دیت گیانێ خودێ وەكو كووترەكێ هاتە خوار و ل سەر وی دادا
17
و دەنگەكی ژ ئەسمانان گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی!»
  1. a. 3‏:3 q پەیادەڕێ: رێكێن مرۆڤ ب پێیان تێڕا دەرباز دبیت.
  2. b. 3‏:3 ئیشایا 40‏:3
  3. c. 3‏:6 q تافیركرن: ئانكو ژێرئاڤكرن كو نیشانە بۆ تۆبەكرنێ و پاقژبوونێ ژ گونەهان. ل فەرهەنگۆكێ بنێڕە.
  4. d. 3‏:7 دوو رێبازێن ئایینی یێن جوهیانە. د فەرهەنگۆكێ دا بنێڕە فەریسی* و سەدوقی*.
  5. e. 3‏:12 ئامیرەكە كو دەخل و دانی پێ ددەنە بای.
  6. f. 3‏:15 q هەر تشتێ خودێ دڤێت: دەق و دەق: ‹هەر راستداریەكێ›.