عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
عیسا ژ هەژی مەزناهیەكا پترە ژ یا مووسای 
1
ئەڤجا گەلی خویشك و برایێن پیرۆز، پشكدارێن وێ گازیا ئەم پێ بۆ ئەسمانی گازی كرین، هزرێ د عیسای دا بكەن، یێ ئەم دانپێدانێ دكەین كو هنارتی و سەرۆككاهنێ مەیە.
2
ئەو یێ دلسۆز بوو بۆ وی یێ ئەو دەستنیشانكری، كا چەوا مووسا ژی د هەمی مالا وی دا یێ دلسۆز بوو.[a]
3
لێ عیسا ژ هەژی مەزناهیەكا پترە ژ یا مووسای، كا چەوا ئاڤاكەرێ خانی رێزگرتنەكا پتر هەیە ژ خانی ب خۆ.
4
(یا دیارە هەر خانیەك ب دەستێ كەسەكی دهێتە ئاڤاكرن، لێ یێ هەمی تشت ئاڤا كرین، خودێیە.)
5
مووسا وەكو خزمەتكارەك د هەمی مالا خودێ دا یێ دلسۆز بوو، دا شاهدەییێ ل سەر وان تشتان بدەت، یێن كو خودێ دا د پاشەڕۆژێ دا بێژیت.
6
لێ مەسیح وەكو كوڕ ل سەر مالا خودێ یێ دلسۆزە. ئەو مال ژی ئەمین، ئەگەر ئەم پشتڕاستیا خۆ و شانازیبرن ب وێ هیڤیا مە هەی ژ دەست نەدەین.
خەلكێ ئیسرائیل ژ بەر بێباوەریێ نەشیان بچنە جهێ بێهنڤەدانێ یێ كو خودێ بۆ بابكالێن وان سۆز پێ دای 
7
لەوما هەروەكو گیانێ پیرۆز دبێژیت:
«ئەڤرۆ، ئەگەر هوین دەنگێ وی ببهیسن،
8
خۆ سەرهشك نەكەن، وەكو دەمێ یاخیبوونێ، د رۆژا تاقیكرنێ دا ل بیابانێ.
9
ل وێرێ بابكالێن هەوە چل ساڵان ئەز تاقی كرم و ئەزموون ب من كر،
سەرەڕای كو وان كارێن من ددیتن.
10
لەوما ئەز ژ وی بەرەبابی تۆڕە بووم
و من گۆت: ‹ئەو د دلێ خۆ دا هەردەم ڤاڕێ دبن
و رێكا من نەنیاسیە›.
11
ئینا من د تۆڕەبوونا خۆ دا سویند خوار:
‹ئەو قەت ب ژۆر ناكەڤنە د ناڤ بێهنڤەدانا[b] من دا.›»[c]
12
د هشیار بن، گەلی خویشك و برایان، كو كەس ژ هەوە دلەكێ خراب و بێباوەر تێدا نەبیت كو ژ خودایێ زیندی پاشگەز[d] ببیت،
13
لێ هەر رۆژ ئێكودوو هان بدەن، هندی ناڤێ ‹ئەڤرۆ› ل سەر بیت، دا ژ بەر فێلبازیا گونەهێ كەس ژ هەوە سەرهشك نەبیت.
14
چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.
15
هەروەكو بەری نوكە هاتیە گۆتن:
«ئەڤرۆ، ئەگەر هوین دەنگێ وی ببهیسن،
خۆ سەرهشك نەكەن، وەكو دەمێ یاخیبوونێ.»
16
ئەڤجا ئەو كینە یێن دەنگێ وی بهیستی و یاخیبووین؟ ئەرێ هەمی ئەو نەبوون یێن كو ب سەركێشیا مووسای ژ مسرێ دەركەفتین؟
17
خودێ بۆ دەمێ چل ساڵان ژ كێ یێ تۆڕە بوو؟ ما ئەو نەبوون یێن گونەهـ كرین و تەرمێن وان ل بیابانێ كەفتین؟
18
بۆ كێ سویند خوار كو قەت نەهێنە د ناڤ بێهنڤەدانا وی دا؟ ما نە بۆ وان بوو یێن گوهداریا وی نەكری؟
19
ئەم دبینین كو ئەو ژ ئەگەرێ بێباوەریێ نەشیان ب ژۆر بكەڤنە د ناڤ دا.
  1. a. 3‏:2 سەرژمێری 12‏:7
  2. b. 3‏:11 q بێهنڤەدان: مەبەست پێ ئەو ئارامی و تەناهینە یێن دێ مرۆڤ ل وی ئەردی بینن یێ خودێ سۆز پێ دای. بنێڕە عیبرانی 4‏:1‏-10؛ گۆتارا مووسای 8‏:7‏-10
  3. c. 3‏:7‏-11 زەبوور 95‏:7‏-11
  4. d. 3‏:12 q پاشگەز: ئەوێ ژ ئایینێ خۆ لێڤە دبیت، ب عەرەبی ‹مرتد›.