عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
سڵاڤ 
1
ژ من، پاولۆس، هنارتیێ نە ژ نك مرۆڤان و نە ب دەستێ مرۆڤان، لێ ب دەستێ عیسایێ مەسیح و خودایێ باب ئەوێ ئەو ژ ناڤ مریان راكری،
2
ژ هەمی برایێن ل گەل من ژی،
بۆ كەنیسەیێن گالاتیایێ:
3
كەرەم و ئاشتی ل سەر هەوە بن، ژ بابێ مە خودێ و خودان عیسایێ مەسیح،
4
ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.
5
هەتا هەتایێ مەزناهی بۆ خودێ بیت. ئامین.
چ مزگینیێن دی نینن 
6
ئەز یێ حێبەتیمە كو هوین هۆسا ب لەز دەست ژ خودێ یێ ب كەرەما مەسیحی گازی هەوە كری بەرددەن و بۆ مزگینیەكا دی دزڤڕن.
7
ب راستی چ مزگینیێن دی نینن، لێ هندەك كەسێن هەین، هزرێن هەوە ئالۆز دكەن و وان دڤێت دەستكاریێ د مزگینیا مەسیحی دا بكەن.
8
لێ خۆ ئەگەر ئەم یان ژی فریشتەیەكێ ژ ئەسمانی مزگینیەكا دی بۆ هەوە رابگەهینیت، ژبلی وێ مزگینیا مە بۆ هەوە راگەهاندی، بلا نفرین ل وی بن!
9
هەروەكو مە بەری نوكە گۆتی و نوكە ژی دبێژمەڤە: ئەگەر كەسەك مزگینیەكا دی بۆ هەوە رابگەهینیت، ژبلی ئەوا هەوە وەرگرتی، بلا نفرین ل وی بن!
10
ما نوكە ئەز ل رازیبوونا مرۆڤان یان یا خودێ دگەڕیێم؟ یان ژی ئەز بزاڤێ دكەم دا دلێ مرۆڤان خۆش بكەم؟ ئەگەر هەتا نوكە من ڤیابا دلێ مرۆڤان خۆش كەم، ئەز نە دبوومە بەنیێ مەسیحی.
خودێ چەوا گازی پاولۆسی كر 
11
گەلی برا، من دڤێت هوین بزانن، ئەو مزگینیا ژ لایێ من ڤە دهێتە راگەهاندن، نە ژ مرۆڤانە،
12
من ئەو ژ چ مرۆڤان وەرنەگرتیە و كەسێ ژی ئەز فێر نەكریمێ، لێ ب پەیاما عیسایێ مەسیح من وەرگرتییە.
13
هەوە ل سەر ژیانا من یا بەرێ د ئایینێ جوهیاتیێ دا یا بهیستی، من كەنیسەیا خودێ گەلەك زێدە تەنگاڤ دكر و بزاڤ دكر وێ وێران بكەم.
14
د ئایینێ جوهیاتیێ دا ئەز ژ گەلەك مرۆڤێن هەڤتەمەنێن خۆ، د ناڤ مللەتێ خۆ دا، پتر پێشڤە چووبووم و بۆ داب و نەریتێن بابكالێن خۆ، ئەز گەلەك ژ وان خوینگەرمتر بووم.
15
لێ دەمێ خودێ، ئەوێ ئەز هەلبژارتیم كو هێشتا ئەز د زكێ دایكا خۆ دا بووم و ب كەرەما خۆ گازی من كری، پێ دلخۆش بووی
16
كو كوڕێ خۆ بۆ من ئاشكرا بكەت، دا وی د ناڤ مللەتێن نەجوهی دا بدەمە نیاسین، هنگی من شیرەتا خۆ ب چ مرۆڤان[a] نەكر،
17
ئەز سەرنەكەفتمە ئورشەلیمێ ژی، كو بچمە نك وان یێن بەری من بووینە هنارتی، لێ ئێكسەر ئەز چوومە وەڵاتێ عەرەبان و پشتی هنگی ئەز زڤڕیمە دیمەشقێ.
18
پاشی، پشتی سێ ساڵان ئەز سەركەفتمە ئورشەلیمێ، دا پەترۆسی[b] بنیاسم و ئەز پازدە رۆژان ل نك وی مام.
19
لێ ژبلی یەعقوبێ برایێ خودانی، من كەس ژ هنارتیێن دی نەدیت.
20
ئەوا ئەز بۆ هەوە ل ڤێرێ دنڤیسم، ئەڤە ل بەرامبەری خودێ، ئەز درەوان تێدا ناكەم.
21
پشتی هنگی ئەز چوومە هەرێمێن سوریا و كیلیكیایێ،
22
لێ ژ لایێ كەنیسەیێن مەسیحی ڤە د یەهودیایێ دا، ئەز روی ب روی نە دهاتمە نیاسین.
23
وان ب تنێ بهیستبوو، كو: «ئەوێ بەری نوكە ئەم تەنگاڤ دكرین، نوكە ئەو یێ مزگینیا وێ باوەریێ بەڵاڤ دكەت، ئەوا بەری نوكە وی بزاڤ دكر كو وێران بكەت.»
24
ئەڤجا ئەوان ژ بەر من پەسنا[c] خودێ دكر.
  1. a. 1‏:16 دەقێ یونانی دبێژیت: «ب چ خوین و گۆشتان»
  2. b. 1‏:18 ب یونانی دبێژیتێ «كیفاس»
  3. c. 1‏:24 q پەسن مەدح و سەنا