عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
1
گەلی خودانان، ب دادپەروەری و یەكسانی سەرەدەریێ ل گەل بەنیێن خۆ بكەن، چنكو هوین دزانن كو هەوە ژی خودانەكێ ل ئەسمانی هەی.[a]
نڤێژ و شیرەت 
2
ل سەر نڤێژكرنێ د بەردەوام بن و تێدا ب سوپاسیكرنێ هشیار بمینن.
3
د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.
4
نڤێژان بكەن، كو ئەز ڤێ نهێنیێ ب زەڵالی رابگەهینم، هەروەكو پێدڤیە ئەز بێژم.
5
ل بەرامبەری وان یێن كو ژ دەرڤەی باوەریێنە، ب ئاقلمەندی سەرەدەریێ بكەن و دەرفەتا ڤی دەمی ژ دەست نەدەن.[b]
6
بلا ئاخفتنا هەوە هەردەم یا شرین و یا ب خوێ بیت[c] ، دا بزانن كا چەوا پێدڤیە هوین بەرسڤا هەر كەسەكی بدەن.
سڵاڤێن تایبەت و خاترخواستن 
7
تیخیكۆس، برایێ خۆشتڤی و خزمەتكارێ دلسۆز و هەڤبەنیێ[d] مە د ئێكبوونا ل گەل خودانی دا، دێ هەمی تشتان دەربارەی رەوشا من گەهینیتە هەوە.
8
من ئەو بۆ ڤێ مەبەستێ یێ هنارتیە نك هەوە، دا هوین رەوشا مە بزانن و ئەو دلێ هەوە هانبدەت.
9
من ئەو یێ ل گەل ئۆنیسیمۆسی، برایێ دلسۆز و خۆشتڤی، كو ئێك ژ هەوەیە، یێ هنارتی. ئەو هەردوو دێ هەر تشتەكێ ل ڤێرێ روی ددەت بۆ هەوە بێژن.[e]
10
ئەرستارخۆس، ئەوێ ل گەل من د زیندانێ دا سڵاڤان ل هەوە دكەت، هەروەسا مەرقۆسێ پسمامێ بارناباسی ژی، ئەوێ دەربارەی وی هەوە راسپاردە وەرگرتی كو ئەگەر هاتە نك هەوە، وی قەبیل بكەن.
11
عیسا ژی ئەوێ دبێژنێ یوستۆس سڵاڤان ل هەوە دكەت. د ناڤ ئەوێن ل گەل من بۆ پاشایەتیا خودێ كار دكەن، ب تنێ ئەو ژ سونەتكریانە[f] و ئەو یێن بووینە هاندەرێن من.
12
ئێپافراس ژی سڵاڤان ل هەوە دكەت، ئەو ژی ئێك ژ هەوەیە و بەنیێ مەسیح عیسایە، ئەو هەردەم ب نڤێژان ژ پێخەمەت هەوە خەباتێ دكەت، دا هوین ب كاملی و پشتڕاست ژ هەمی حەزا خودێ د خۆڕاگر بن.
13
ئەز بۆ وی شاهدەییێ ددەم، كو ئەو بۆ هەوە و بۆ ئەوێن ل لاودیكیایێ و ئەوێن ل هیێراپۆلیسێ، گەلەك دوەستیێت.
14
نۆژدارێ خۆشتڤی لوقا و دیماس ژی سڵاڤان ل هەوە دكەن.
15
سڵاڤان ل خویشك و برایێن ل لاودیكیایێ، ل نیمفایێ و جڤاكا باوەرداران یا ل مالا وێ كۆم دبیت، بكەن.
16
پشتی ئەڤ نامەیە د ناڤ هەوە دا دهێتە خواندن، وە بكەن كو ل جڤاكا باوەردارێن لاودیكیایێ ژی بهێتە خواندن، هەروەسا نامەیا ژ لاودیكیایێ[g] ژی، هوین بخوینن.[h]
17
بێژنە ئارخیپۆسی: «خەمخۆرێ وێ خزمەتێ بە یا تە ژ خودانی وەرگرتی، دا وێ ب جهـ بینی.»[i]
18
ئەز پاولۆس، ڤێ سڵاڤێ ب دەستێ خۆ دنڤیسم. قەیدا من بیننە بیرا خۆ. كەرەما خودێ ل سەر هەوە بیت.
  1. a. 4‏:1 ئەفەسۆس 6‏:9
  2. b. 4‏:5 ئەفەسۆس 5‏:16
  3. c. 4‏:6 ئانكو یا ب تام بیت و بۆ كەسێن دی یا خۆش بیت
  4. d. 4‏:7 ئانكو ئەم و ئەو پێكڤە بەنیێن مەسیحینە
  5. e. 4‏:9 فلیمون 1‏:10
  6. f. 4‏:11 ئانكو ژ جوهیانە
  7. g. 4‏:16 نامەیەكا دیە كو پاولۆسی، یان ژی ئێك ژ هەڤكارێن وی، بۆ باوەردارێن لاودیكیایێ نڤیسیە.
  8. h. 4‏:15‏-16 ئاشكراكرن 1‏:11؛ 3‏:14
  9. i. 4‏:17 فلیمون 1‏:2