عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
1
من دڤێت هوین بزانن، كو ئەز چەند ژ پێخەمەت هەوە و یێن ل لاودیكیایێ و هەمیێن روی ب روی ئەز نەدیتیم، بزاڤێ دكەم.[a]
2
ئارمانجا من ئەوە كو ئەو بهێنە هاندان و د حەزژێكرنێ دا دئێكگرتی بن، ب مەرەما هەمی دەولەمەندیا تێگەهشتنا تەمام، دا نهێنیا خودێ بزانن، كو مەسیحە،
3
ئەوێ د وی دا هەمی گەنجینەیێن ئاقلمەندی و زانینێ دڤەشارتینە.
4
ئەز ڤێ چەندێ دبێژم، دا كەس ب گۆتنێن خۆش هەوە نەخاپینیت.
5
چنكو ئەگەر ب لەشی ئەز ل نك هەوە یێ ئامادە نەبم، لێ ب گیانی ئەز ل گەل هەوەمە، ب دیتنا رێكوپێكی و موكمیا باوەریا هەوە ب مەسیحی، دلخۆش دبم.
ژیانا ب مەسیحی 
6
ئەڤجا كا چەوا هەوە خودان مەسیح عیسا قەبیل كریە، هۆسا ل گەل وی گرێدای بژین،
7
ب وی ڤە رەهـ داهێلای و دئاڤاكری بن و د باوەریێ دا دموكم بن هەروەكو هوین هاتینە فێركرن، بلا هوین ژ سوپاسیكرنێ د سەر دا بڕژن.
8
هشیار بن، دا كەس ب فەلسەفەیەكا خاپینۆك و درەو، ل دویڤ تیتالێن مرۆڤان، ل دویڤ هێزێن روحانی یێن ڤێ جیهانێ، نە ل دویڤ مەسیحی، هەوە دیل نەكەت.
9
چنكو هەمی تژیاتیا خودایەتی، د مەسیحی دا یا ئاكنجیە، ب شێوەیەكێ لەشكانی.
10
هوین ژی د ئێكبوونا ل گەل وی دا د كاملن، ئەوێ كو سەرێ هەمی سەروەر و دەستهەلاتدارانە.
11
هەروەسا د ئێكبوونا ل گەل وی دا هوین هاتینە سونەتكرن، سونەتكرنا نە ب دەستێ مرۆڤان، لێ ب ژێڤەكرنا حەزێن لەشی بۆ گونەهێ، ئەڤەیە سونەتكرن ژ لایێ مەسیحی ڤە.
12
د تافیركرنێ دا هوین ل گەل وی هاتینە ڤەشارتن و تێدا هوین ل گەل وی هاتینە راكرن ژی، چنكو هەوە باوەری ب شیانا خودێ یێ ئەو ژ ناڤ مریان راكری، ئینا.[b]
13
هوین ژ بەر گونەهێ و سونەتنەكرنا لەشێ خۆ د مری بوون، لێ خودێ هوین ل گەل وی ڤەژاندن، دەمێ ل هەمی گونەهێن مە بوری.[c]
14
وی تۆمارا قەرێن مە ژێ بر، ئەوا ل گۆر رێسایان ل دژی مە هاتیە نڤیسین، ئەو ب رێكا بزماردانا وێ ب خاچێ ڤە راكر.[d]
15
سەروەر و دەستهەلاتدار ژ چەك كرن و ل بەر چاڤێن هەمیان شەرمزار كرن، ب رێكا خاچێ سەركەفتن ل سەر وان ئینا.
16
لەوما بلا كەس هەوە ل سەر خوارن، یان ڤەخوارن، یان ژی جەژنان، یان هەیڤێن نوی، یان شەمبیان داد نەكەت.[e]
17
ئەڤێن هەنێ ب تنێ سیبەرن بۆ تشتێن پاشەڕۆژێ، لێ یێ راستەقینە مەسیحە.
18
بلا كەس هەوە ژ خەلاتێ هەوە زڕبار نەكەت، كەسەكێ وەسا كو حەز ژ خۆنزمكرنێ و پەرستنا فریشتەیان دكەت و بەردەوام بەحسێ بینینێن خۆ دكەت كو بێ بنیات یێ پفدایە ژ لایێ زێنێ خۆ یێ لەشكانی ڤە
19
و خۆ ب سەری ڤە نەگرتیە. ژ وی سەری، هەمی لەش ب رێكا گەهـ و رەهان، دهێتە پشتەڤانیكرن و پێكڤە دهێتە گرێدان، وەسا لەش وەرارێ دكەت، وەراركرنەكا ژ لایێ خودێ ڤە.[f]
20
مادەم هوین ل گەل مەسیحی مرینە و ژ هێزێن گیانی یێن ڤێ جیهانێ ئازاد بووینە، ئێدی بۆچی هوین وەسا دژین، هەروەكو هوین یێن ڤێ جیهانێ بن؟ بۆچی هوین ملكەچی ڤان رێسایان دبن:
21
«دەست ڤە نەدەی! تام نەكێ! دەست نەكێ!»
22
رێسایێن هۆسا هەمی فەرمان و فێركرنێن مرۆڤانە، دەربارەی تشتێن ژ ناڤ دچن دەمێ دهێنە بكارئینان،
23
وان رێسایان سەبارەت ئایینداریەكا دەستكرد و خۆنزمكرنێ و دژواریێ ل گەل لەشی، ژ سەرڤە دیمەنەكێ ئاقلمەندیێ یێ هەی، لێ د رێگریێ دا ل بەرامبەر تێركرنا ئارەزوویێن لەشكانی، چ مفایێ خۆ نینە.
  1. a. 2‏:1 ئاشكراكرن 1‏:11؛ ‏3‏: 14
  2. b. 2‏:12 رۆما 6‏:4
  3. c. 2‏:13 ئەفەسۆس 2‏:1‏-5
  4. d. 2‏:14 ئەفەسۆس 2‏:15
  5. e. 2‏:16 رۆما 14‏:1‏-6
  6. f. 2‏:19 ئەفەسۆس 4‏:16