عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
پاولۆس دچیتە ئورشەلیمێ 
1
پشتی ئەم ژ وان جودا بووین، ب گەمیێ ئەم ب رێ كەفتین و راست چووینە كوس، ل رۆژا پاشتر گەهشتینە رودوس، ژ وێرێ ژی چووینە پاتارا،
2
ل وێرێ مە گەمیەك دیت دچوو فینیقیا، ئەم لێ سیار بووین و ب رێ كەفتین.
3
پشتی قوبرس بۆ مە دیار بووی و مە ئەو ژ لایێ خۆ یێ چەپێ ڤە هێلای، مە قەستا سوریایێ كر. ئەم ل باژێڕێ سور راوەستیاین، چنكو گەمی دا بارێ خۆ ل وێرێ دانیت.
4
مە شاگرد دیتن و بۆ حەفت رۆژان ل نك وان ماین، ئەوان ب گیانێ پیرۆز دگۆتە پاولۆسی كو سەرنەكەڤیتە ئورشەلیمێ.
5
دەمێ رۆژێن مە ل وێرێ ب دویماهی هاتین، ئەم ب رێ كەفتین و ئەو هەمی ب ژن و زاڕۆكێن خۆ ڤە، ل گەل مە هاتنە ژ دەرڤەی باژێڕی. ل بەر لێڤا دەریای مە چۆكڤەدان و نڤێژ كرن.
6
پاشی مە خاترا خۆ ژ ئێكودوو خواست و ل گەمیێ سیاربووین، ئەو ژی بۆ مالێن خۆ زڤڕین.
7
دەمێ مە رێڤنگیا خۆ ژ سور ب دویماهی ئینای، ئەم گەهشتینە پتولەمایس، مە سڵاڤ ل برایان[a] كر و رۆژەكێ ل نك وان ماین.
8
رۆژا پاشتر ئەم ژ وێرێ ب رێ كەفتین و هاتینە قەیسەریێ و چووینە مالا فیلیپوسێ مزگینیدەر، كو ئێك ژ حەفتان[b] بوو و ئەم ل نك وی ماین.
9
وی چوار كچێن پاكیزە[c] هەبوون پەیاما خودێ رادگەهاند.
10
پشتی ئەم چەندین رۆژان ل وێرێ ماین، پێغەمبەرەك ژ یەهودیایێ هات، ناڤێ وی ئاگابۆس بوو.
11
ئەو هاتە نك مە و قایشا پاولۆسی هەلگرت و دەست و پێیێن خۆ گرێ دان و گۆت: «گیانێ پیرۆز ڤێ دبێژیت: جوهیێن ئورشەلیمێ دێ خودانێ ڤێ قایشێ هۆسا گرێ دەن و دەنە دەستێ نەجوهیان.»
12
دەمێ مە ئەڤ چەندە بهیستی، مە و ئەوێن ل وێرێ، هیڤی ژ پاولۆسی كرن كو سەرنەكەڤیتە ئورشەلیمێ.
13
لێ وی بەرسڤ دا و گۆت: «بۆچی هوین دكەنە گری و دلێ من دشكێنن؟ ئەز یێ ئامادەمە ژ پێخەمەت ناڤێ خودان عیسای ل ئورشەلیمێ نە ب تنێ بهێمە گرێدان، بەلكو بمرم ژی!»
14
دەمێ ئەو قاییل نەبووی، مە دەست ژێ بەردان و مە گۆت: «بلا حەزا خودانی ب جهـ بهێت.»
15
پشتی وان رۆژان، مە خۆ بۆ وەغەرێ ئامادە كر و بەرەڤ ئورشەلیمێ سەركەفتین.
16
هندەك شاگرد ژی، كو خەلكێ قەیسەریێ بوون، ل گەل مە هاتن و ئەم برینە نك شاگردەكێ كەڤن ناڤێ وی مەناسون بوو، كو كەسەكێ قوبرسی بوو، دا ل دەڤ وی بمینین.
ل ئورشەلیمێ 
17
دەمێ ئەم گەهشتینە ئورشەلیمێ، برایان ب گەرمی پێشوازی ل مە كر.
18
ل رۆژا پاشتر، پاولۆس ل گەل مە هاتە نك یەعقوبی[d] ، هەمی ریهسپی ژی دئامادەبوون.
19
پشتی پاولۆسی سڵاڤ ل وان كری، هەمی ئەو تشتێن خودێ ب رێیا خزمەتا وی د ناڤ نەجوهیان دا كرین، بۆ وان ئێك ئێكە دیار كرن.
20
دەمێ وان ئەڤە بهیستی، وان پەسنا[e] خودێ كر و گۆتە پاولۆسی: «برا، تۆ یێ دبینی چەند هزاران ژ جوهیان باوەری ئینایە و ئەو هەمی بۆ دەستووری ددلگەرمن.
21
وان یێ بهیستی، كو تۆ هەمی جوهیێن د ناڤ مللەتان دا فێر دكەی، كو ژ مووسای ڤاڕێ ببن و تۆ دبێژییە وان كو كوڕێن خۆ سونەت نەكەن و ل دویڤ داب و نەریتێن جوهیاتیێ نەچن.
22
ئەڤجا چارە چیە؟ چنكو بێگۆمان ئەو دێ بهیسن كو تۆ یێ هاتی.
23
ئەڤجا وێ بكە یا ئەم دبێژینە تە: چوار زەڵام یێن ل نك مە، نەزر[f] یێ ل سەر وان،
24
وان ببە و ل گەل وان بكەڤە بن داب و نەریتێن پاقژكرنێ و ل وان بمەزێخە، دا ئەو بشێن سەرێ خۆ بتراشن، هۆسا هەمی دێ زانن كو ئەو تشتێن دەربارەی تە بهیستین نە ددروست بوون، بەلكو تۆ ژی ل سەر رێكا دەستووری دچی.
25
لێ دەربارەی وان نەجوهیێن باوەری ئینای، مە بڕیارا خۆ بۆ وان نڤیسیە كو خۆ ژ خوارنێن بۆ پووتان[g] هاتینە پێشكێشكرن، خوینێ، گیانەوەرێن خەندقاندی و دەهمەنپیسیێ بپارێزن.»
26
ئینا ل رۆژا پاشتر پاولۆسی هەر چوار زەڵام برن و ل گەل وان كەفتە د بن داب و نەریتێن پاقژكرنێ ڤە، چوو د پەرستگەهێ ڤە و راگەهاند كا رۆژێن پاقژبوونا وان دێ كەنگی ب دویماهی هێن، دا ل شوینا هەر ئێك ژ وان پێشكێشیێ وی بهێتە دان.
گرتنا پاولۆسی 
27
دەمێ چ نەمایی كو ئەو حەفت رۆژ ب دویماهی بهێن، جوهیێن ژ هەرێما ئاسیایێ، پاولۆس د پەرستگەهێ دا دیت، ئینا هەمی جەماوەر دژی وی ئاراند و ئەو گرت
28
و دكرنە گازی: «هەوار، گەلی ئیسرائیلیان! ئەڤە ئەو كەسە، یێ كو ل هەمی جهان، هەمی مرۆڤان ل دژی مللەتێ مە، دەستووری مە و ڤی جهی فێر دكەت، د سەر ڤێ چەندێ را، وی یونانی ژی یێن ئیناینە د پەرستگەهێ ڤە و ئەڤ جهێ پیرۆز یێ هەڕماندی!»
29
چنكو ئەوان بەری هنگی تروفیموسێ ئەفەسۆسی ل گەل وی دیتبوو و وان هزر دكر كو پاولۆسی ئەو یێ ئینایە د پەرستگەهێ ڤە.
30
هەمی باژێڕ ئاریا و خەلك ب لەز كۆمبوو، پاولۆس گرت و راكێشا ژ دەرڤەی پەرستگەهێ و ئێكسەر دەرگەهـ گرتن.
31
دەمێ وان هەوڵ ددا وی بكوژن، دەنگوباس گەهشتنە فەرماندێ سوپای كو ئورشەلیم هەمی یا د ئالۆزیێ دا،
32
وی ئێكسەر سەرباز و سەرلەشكەر برن و ب غار چوونە نك وان. دەمێ وان فەرماندە و سەرباز دیتین، ئێدی ژ لێدانا پاولۆسی راوەستیان.
33
وی دەمی فەرماندە نێزیكی وی بوو، ئەو گرت و فەرمان دا، كو ب دوو زنجیران بهێتە قەیدكرن، پاشی پرسیار كر كا ئەو كیە و چ كریە.
34
هندەكان تشتەك دقیڕاند و هندەكان تشتەكێ دی، ئێدی وی ژ ئەگەرێ قەرقەشەیێ نەشیا راستیێ بزانیت، فەرمان داكو وی ببەنە سەربازگەهێ.
35
دەمێ پاولۆس گەهشتیە پەیسكێ، سەربازان ژ بەر دژواریا جەماوەری ئەو هەلگرت.
36
چنكو جەماوەر ل دویڤ وی دچوو و گازی دكر: «وی بكوژن!»
پاولۆس بەڕەڤانیێ ژ خۆ دكەت 
37
بەری پاولۆس بچیتە د سەربازگەهێ ڤە، گۆتە فەرماندەی «دەستویری هەیە بۆ تە تشتەكی بێژم؟» ئینا فەرماندەی گۆتێ: «تۆ یونانی دزانی؟
38
ما تۆ نە ئەو مسری، ئەوێ بەری دەمەكی سەرهەلدان كری و چوار هزار زەڵامێن كوژەك ل گەل خۆ برینە چۆلی؟»
39
پاولۆسی گۆت: «ئەز جوهیمە و هەڤوەڵاتیێ تەرسوسا كیلیكیایێمە، نەكو باژێڕەكێ نە گرنگە، هیڤی ژ تە دكەم، دەستویریێ بدەیە من، كو ل گەل خەلكی بئاخڤم.»
40
دەمێ وی دەستویری دایێ، پاولۆس ل سەر پەیسكێ راوەستیا و ب دەستی ئاماژە دا خەلكی، دەمێ بێدەنگ بووین، ئەو ب زمانێ عیبرانی ئاخفت و گۆت:
  1. a. 21‏:7 مەبەست پێ باوەردارێن مەسیحی
  2. b. 21‏:8 بنێڕە كارێن هنارتیان 6‏:1‏-6؛ 8‏:5
  3. c. 21‏:9 پاكیزە ئانكو ئەوا كچینیا خۆ ژ دەست نەدای.
  4. d. 21‏:18 q یەعقوب: برایێ عیسایێ مەسیح. ل فەرهەنگۆكێ بنێڕە.
  5. e. 21‏:20 q پەسن مەدح و سەنا
  6. f. 21‏:23 سەرژمێری 6‏:1‏-21
  7. g. 21‏:25 صەنەمان