عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- مەرج بۆ چاڤدێرێن جڤاكا باوەرداران
- 1
- ئەڤ گۆتنە جهێ پشتڕاستیێیە: ئەگەر دلێ ئێكی ل سەر چاڤدێریێ بیت، ئەو حەز ژ كارەكێ باش دكەت.
- 2
- ئەڤجا پێدڤیە چاڤدێر: گازندە ل سەر نەبیت، مێرێ ئێك ژن بیت، ل سەر خۆ یێ زاڵ بیت، خودان رەفتارەكا ئاقلانە بیت، یێ رێزدار بیت، یێ مێڤاندار بیت و بشێت فێركرنێ بكەت،
- 3
- مەی ڤەخۆر نەبیت[a] و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.
- 4
- ب باشی رێڤەبەریا مالا خۆ بكەت و وە بكەت كو زاڕۆكێن وی ب هەمی رێزگرتن ملكەچی وی بن.
- 5
- ما ئەگەر كەسەك نەزانیت رێڤەبەریا مالا خۆ بكەت، دێ چەوا چاڤێ خۆ دەتە جڤاكا گازیكریێن خودێ[b] ؟
- 6
- پێدڤیە ئەو باوەردارەكێ نوی نەبیت، دا دفنبلند نەبیت و نەكەڤیتە د دادكرنا ئبلیسی دا.
- 7
- هەروەسا پێدڤیە ناڤودەنگەكێ باش د ناڤ یێن ژ دەرڤە[c] دا هەبیت، دا نەكەڤیتە شەرمزاریێ و خەفكا ئبلیسی.[d]
- مەرج بۆ خزمەتكارێن جڤاكا باوەرداران
- 8
- هەروەسا پێدڤیە خزمەتكار ژی رێزدار بن، خودان ئێك ئاخفتن بن، گەلەك مەیێ ڤەنەخۆن، چاڤێ وان ل مفایێ حەرام نەبیت،
- 9
- راستیا باوەریێ[e] ب وژدانەكا پاقژ بپارێزن.
- 10
- بلا ئەو ل بەراهیێ بهێنە تاقیكرن، پاشی ئەگەر گازندە ل سەر نەبن، بلا وەكو خزمەتكار خزمەتێ بكەن.
- 11
- هەروەسا ژن[f] ژی پێدڤیە بڕێز بن، بوهتانكار[g] نەبن، ل سەر خۆ د زاڵ بن و د هەمی تشتان دا د دلسۆز بن.
- 12
- پێدڤیە خزمەتكار مێرێ ئێك ژن بیت و ب باشی رێڤەبەریا زاڕۆكێن خۆ و مالا خۆ بكەت.
- 13
- چنكو ئەوێن ب باشی خزمەتكاریێ دكەن، پلەیەكا باش و پشتڕاستیەكا مەزن د وێ باوەریێ دا ب دەست خۆ ڤە دئینن، ئەوا ب مەسیح عیسای.
- رەفتاركرن د مالا خودێ دا
- 14
- ئەز هیڤیدارم ل دەمەكێ نێزیك بهێمە نك تە، لێ ئەز ڤان تشتان بۆ تە دنڤیسم،
- 15
- دا ئەگەر ئەز گیرۆ ببم، تۆ بزانی كا پێدڤیە ئێك چەوا د مالا خودێ دا رەفتارێ بكەت. ئەو مال جڤاكا گازیكریێن خودایێ زیندیە، ستوین و شەنگستەیێ راستیێیە.
- 16
- بێگۆمان، نهێنیا خودێپەرێسیا راستەقینە[h] یا مەزنە:
ئەو ب لەشی دیار بوو[i] ،
ژ لایێ گیانێ پیرۆز ڤە راستدار هاتە دەرئێخستن،
ژ لایێ فریشتەیان ڤە هاتە دیتن،
مزگینیا وی د ناڤ مللەتان دا هاتە راگەهاندن،
د جیهانێ دا باوەری پێ هاتە ئینان
و د مەزناهیێ دا هاتە بلندكرن.
- a. 3:3
q مەی ڤەخۆر نەبیت: مەبەست پێ ئەوە كو گەلەك مەیێ ڤەنەخۆت و سەرخۆش نەبیت. بنێڕە ئەفەسۆس 5:18 - b. 3:5
q جڤاكا گازیكریێن خودێ: ئانكو كەنیسەیا خودێ. ل فەرهەنگۆكێ بنێڕە جڤاك*. - c. 3:7 ئانكو یێن نەباوەردار.
- d. 3:2-7 تیتۆس 1:6-9
- e. 3:9 دەق و دەق: ‹نهێنیا باوەریێ›، ئەو نهێنیە یا ب رێكا فێركرنا پاولۆسی هاتیە ئاشكراكرن. بنێڕە رۆما 16:25-26
- f. 3:11 ژنێن خزمەتكاران یان ژی ئەو ژن یێن د ناڤ جڤاكا باوەرداران دا پلەیا خزمەتكاریێ هەی. بنێڕە رۆما 16:1
- g. 3:11
q بوهتان: تاوانباركرنا بێ بنیات - h. 3:16 مەبەست پێ ئەو نهێنی بوو یا ب رێكا فێركرنا پاولۆسی هاتیە ئاشكراكرن.
- i. 3:16 یوحەننا 1:14
