عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- 1
- بەرێ خۆ بدەنێ، چ حەزژێكرنە بابی دایە مە، داكو ب زاڕۆكێن خودێ بهێینە بناڤكرن! ب راستی ژی ئەم ئەوین. ژ بەر هندێ جیهان مە نانیاسیت، چنكو ئەو نەنیاسی.
- 2
- گەلی خۆشتڤیان، نوكە ئەم زاڕۆكێن خودێینە و هێشتا دیار نەبوویە كا دێ بینە چ. لێ ئەم دزانین كو دەمێ ئەو[a] دیار دبیت، ئەم ژی دێ وەكو وی بین، چنكو كا ئەو یێ چەوایە، دێ وی وەسا بینین.
- 3
- هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.
- 4
- هەر كەسێ گونەهێ بكەت، سەرپێچیێ ژی دكەت، چنكو گونەهـ سەرپێچیە.
- 5
- هوین دزانن كو مەسیح یێ دیار بووی، دا گونەهان راكەت. گونەهـ د وی دا نینە.
- 6
- هەر كەسێ د ناڤ وی دا یێ بنەجهـ بیت، گونەهێ ناكەت[b] . هەر كەسێ گونەهێ بكەت، نە ئەو دیتیە و نە ژی ئەو نیاسیە.
- 7
- گەلی زاڕۆكان، بلا كەس هەوە د سەر دا نەبەت. یێ راستداریێ دكەت، ئەو یێ راستدارە، كا چەوا مەسیح یێ راستدارە.
- 8
- یێ گونەهان دكەت، ئەو ژ ئبلیسیە، چنكو ئبلیس هەر ژ دەستپێكێ وەرە گونەهێ دكەت. كوڕێ خودێ ژ بەر هندێ یێ دیار بووی، دا كارێن ئبلیسی ژ ناڤ ببەت.
- 9
- هەر كەسێ ژ خودێ بووی، گونەهێ ناكەت، چنكو بنیاتێ خودێ[c] د وی دا یێ بنەجهە. ئەو نەشێت گونەهێ بكەت، چنكو ئەو یێ ژ خودێ بووی.
- 10
- ب ڤێ چەندێ زاڕۆكێن خودێ و زاڕۆكێن ئبلیسی ژ ئێك دیار دبن: هەر كەسێ راستداریێ نەكەت، ئەو نە ژ خودێیە، هەروەسا یێ حەز ژ خویشك یان برایێ خۆ نەكەت.
- حەز ژ ئێكودوو بكەن
- 11
- ئەو پەیاما هەوە ژ دەستپێكێ بهیستی ئەوە كو ئەم حەز ژ ئێكودوو بكەین.
- 12
- ئەم وەكو قایینی[d] نەبین، ئەوێ كو ژ خرابكاری[e] بوو و برایێ خۆ كوشتی. بۆچی ئەو كوشت؟ چنكو كریارێن وی ب خۆ د خراب بوون و یێن برایێ وی د راستدار بوون.
- 13
- مەندەهۆش نەبن، گەلی خویشك و برایان، ئەگەر جیهانێ كەرب ژ هەوە ڤەببن.
- 14
- ئەم دزانین كو ئەم ژ مرنێ دەرباز بووینە ژیانێ، چنكو ئەم حەز ژ خویشك و برایان دكەین. ئەوێ حەزژێكرنێ نەكەت، ئەو د مرنێ دا بنەجهـ دبیت.
- 15
- هەر كەسێ كەرب ژ خویشك یان برایێ خۆ ڤەببن، ئەو مێركوژە. هوین دزانن ژی كو چ مێركوژان ژیانا هەتا هەتایی، ئەوا بنەجهـ د ناڤ وی دا، نینە.
- 16
- ئەم ب ڤێ چەندێ حەزژێكرنێ دزانین: عیسای ژیانا خۆ ژ پێخەمەت مە دانا[f] . ئەڤجا پێدڤیە ئەم ژی ژیانا خۆ ژ پێخەمەت خویشك و برایان بدانین.
- 17
- لێ ئەگەر كەسەكی مالێ جیهانێ هەبیت و دیت كو خویشك یان برایێ وی د هەوجەیێ دایە و دلێ خۆ پێ نەسوژیت، چەوا حەزژێكرنا خودێ د ناڤ وی دا بنەجهـ دبیت؟
- 18
- گەلی زاڕۆكان، بلا ئەم حەزژێكرنێ بكەین، نە ب پەیڤێ و ئەزمانی، لێ ب كریار و راستیێ.
- 19
- ب ڤێ چەندێ ئەم دێ زانین كو ئەم ژ راستیێینە و دێ دلێ خۆ ل بەرامبەری خودێ ئارام كەین
- 20
- دەمێ دلێ مە، مە گونەهبار دكەت، چنكو خودێ مەزنترە ژ دلێ مە و ئەو هەمی تشتان دزانیت.
- 21
- گەلی خۆشتڤیان، ئەگەر دلێ مە، مە گونەهبار نەكەت، مە ل نك خودێ پشتڕاستی یا هەی
- 22
- و ئەم چ ژێ بخوازین، ئەم ژێ وەردگرین، چنكو ئەم فەرمانێن وی ب جهـ دئینین و تشتێن ب دلێ وی دكەین.
- 23
- فەرمانا وی ژی ئەڤەیە: ئەم باوەریێ ب ناڤێ كوڕێ وی، عیسایێ مەسیح، بینین و ئەم حەز ژ ئێكودوو بكەین، كا چەوا وی فەرمان ل مە كریە.
- 24
- یێن فەرمانێن وی ب جهـ دئینن، د ناڤ وی دا د بنەجهن و ئەو ژی د ناڤ وان دا یێ بنەجهە. ئەم ژ ڤێ چەندێ دزانین كو ئەو د ناڤ مە دا یێ بنەجهە: ب وی گیانی[g] یێ وی دایە مە.
- a. 3:2 ئانكو مەسیح
- b. 3:6
q گونەهێ ناكەت: مەبەست پێ ئەوە كو: ‹د ناڤ گونەهان دا نامینیت›. - c. 3:9
q بنیاتێ خودێ: دەق و دەق: ‹تۆڤێ خودێ› - d. 3:12
q قایین: هندەك دبێژنێ ‹قابیل›. ل فەرهەنگۆكێ بنێڕە - e. 3:12 مەبەست پێ ئبلیسە.
- f. 3:16 ئانكو: ژیانا خۆ كرە گۆری.
- g. 3:24 مەبەست پێ گیانێ پیرۆزە.
