عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
هاریكاری بۆ باوەردارێن ل ئورشەلیمێ 
1
نوكە ژی دەربارەی كۆمكرنا هاریكاریێ بۆ پیرۆزكریان، كا من چەوا كەنیسەیێن گالاتیا راسپاردن، هوین ژی وە بكەن.
2
ل رۆژا ئێكێ ژ هەر حەفتیەكێ[a] ، بلا هەر ئێك ژ هەوە ل دویڤ داهاتێ خۆ تشتەكی دانیتە لایەكی، نەكو دەمێ ئەز بهێمە نك هەوە ژ نوی كۆم كەن.
3
دەمێ ئەز بهێم، دێ ئەو كەسێن هوین پەسەند دكەن، ل گەل نامەیان هنێرم، دا هاریكاریا هەوە بگەهیننە ئورشەلیمێ.
4
ئەگەر یا گونجای بیت كو ئەز ژی بچم، ئەڤە ئەو دێ ل گەل من هێن.
نەخشەیێ سەرەدانێن پاولۆسی بۆ كورنتۆسیان 
5
دەمێ ئەز د مەقدۆنیایێ را دەرباز ببم، ئەز دێ هێمە نك هەوە، چنكو ئەز دێ د مەقدۆنیایێ را دەرباز بم.
6
بەلكو ئەز ل نك هەوە بمینم یان زڤستانێ ژی ل نك هەوە دەرباز بكەم، دا من ب رێ بئێخنە هەر جهەكێ كو ئەز بچمێ.
7
من نەڤێت نوكە سەرپێ هەوە ببینم، ئەز هیڤی دكەم دەمەكێ درێژتر ل نك هەوە بمینم، ئەگەر خودان دەستویریێ بدەت.
8
لێ تا جەژنا رۆژا پێنجیێ[b] ئەز دێ ل ئەفەسۆسێ مینم.
9
چنكو دەرگەهەكێ فرەهـ بۆ كارەكێ ب بەرهەم بۆ من ڤەبوویە و گەلەك بەرهنگار ژی یێن هەین.
10
ئەگەر تیمۆتاوس هات، وە بكەن كو ئەو ل نك هەوە یێ بێ ترس بیت، چنكو ئەو ژی وەكو من كارێ خودانی دكەت.
11
ئەڤجا بلا كەس سڤكاتیێ پێ نەكەت، لێ ب سلامەتی ب رێ بئێخن دا بهێتە نك من، چنكو ئەز ل گەل برایان چاڤەڕێی ویمە.
12
سەبارەت برایێ مە ئەپولوسی ژی، من گەلەك داخواز ژێ كر كو ل گەل برایان بهێتە نك هەوە، لێ ئەو ب ئێكجاری رازی نەبوو نوكە بهێت. ئەو دێ هێت، دەمێ وی دەرفەت هەبیت.
راسپاردە و سڵاڤێن دویماهیێ 
13
بمیننە هشیار، د باوەریێ دا د خۆڕاگر بن، د مێر بن و د هێزدار بن.
14
بلا هەمی كریارێن هەوە ب حەزژێكرنێ بهێنە كرن.
15
هوین دزانن كو مالا ستیفاناسی خێڤەیێ هەرێما ئەخایایێیە[c] ، ئەوان خۆ بۆ خزمەتكرنا پیرۆزكریان تەرخان كریە، ئەڤجا ئەز داخوازێ ژ هەوە دكەم، گەلی برا،
16
كو هوین ملكەچی كەسێن وەسا بن و هەر ئێكێ د ڤی كاری دا پشكداریێ دكەت و تێدا دوەستیێت.
17
ئەز ب هاتنا ستیفاناس، فۆرتوناتوس و ئاخایكوسی دلخۆش بووم، چنكو وان جهێ هەوە یێ ڤاڵا تژی كر.
18
ئەوان گیانێ من گەش كر و یێ هەوە ژی، ئەڤجا رێزێ ل یێن هۆسا بگرن.
19
كەنیسەیێن هەرێما ئاسیایێ سڵاڤان ل هەوە دكەن. هەروەسا ئەكیلا و پرسكیلا ل گەل كەنیسەیا د مالا وان دا كۆم دبیت، ب ناڤێ خودانی گەلەك سڵاڤان ل هەوە دكەن.
20
هەمی برا سڵاڤان ل هەوە دكەن. ب ماچەكا پیرۆز ژ لایێ من ڤە سڵاڤان ل ئێكودوو بكەن.
21
ئەز، پاولۆس، ڤێ سڵاڤێ ب دەستێ خۆ دنڤیسم.
22
ئەگەر ئێك حەز ژ خودانی نەكەت، نفرین ل وی بن. ماراناتا[d] !
23
كەرەما خودان عیسای ل سەر هەوە بیت.
24
حەزژێكرنا من، ژ دەولەتسەرێ مەسیح عیسای، ل گەل هەوە هەمیان بیت. ئامین.
  1. a. 16‏:2 ئانكو رۆژا ئێكشەمبێ
  2. b. 16‏:8 جەژنەكا جوهیانە. ل فەرهەنگۆكێ بنێڕە: \k رۆژا پێنجیێ\k*
  3. c. 16‏:15 ئانكو باوەردارێن پێشین یێن هەرێما ئەخایایێنە.
  4. d. 16‏:22 پەیڤەكا ئارامیە، رامانا وێ: خودان وەرە