عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- پرسا بەهرەیێن روحانی
- 1
- نوكە ژی دەربارەی بەهرەیێن روحانی، گەلی خویشك و برایان، من نەڤێت هوین نەزان بمینن.
- 2
- هوین دزانن كو دەمێ هوین پووتپەرێس[a] بوون، دلێ هەوە بەرەڤ پووتێن لال ڤە دهاتە برن و هوین دهاتنە د سەر دا برن.
- 3
- لەوما من دڤێت هوین تێبگەهن: كەسەك كو ب رێكا گیانێ خودێ دئاخڤیت نابێژیت: «نفرین ل عیسای بن!» كەس ژی نەشێت بێژیت: «عیسا خودانە» ئەگەر ب رێكا گیانێ پیرۆز نەبیت.
- 4
- ئەڤجا جۆرێن بەهرەیێن روحانی هەنە، لێ هەمان گیانە.
- 5
- جۆرێن خزمەتێ هەنە، لێ هەمان خودانە.
- 6
- جۆرێن كاران هەنە، لێ هەمان خودێیە، ئەوێ وان هەمی كاران د هەمیان دا ئەنجام ددەت.
- 7
- لێ دیاربوونا گیانی[b] ژ پێخەمەت مفایێ گشتی بۆ هەر كەسەكی دهێتە دان.
- 8
- ئەڤجا بۆ ئێكی ب رێكا گیانی پەیاما ئاقلمەندیێ دهێتە دان و بۆ ئێكێ دی ب رێكا هەمان گیانی پەیاما زانینێ،
- 9
- بۆ ئێكی ب هەمان گیانی باوەری و بۆ ئێكێ دی ب هەمان گیانی بەهرەیێن ساخكرنا نەخۆشان دهێتە دان،
- 10
- بۆ ئێكی شیان كو حنێران[c] بكەت، بۆ ئێكی راگەهاندنا پەیاما خودێ، بۆ ئێكی شیانا ڤاڤارتنا گیانان، بۆ ئێكی ئاخفتن ب زمانێن جۆراوجۆر و بۆ ئێكێ دی وەرگێڕانا زمانان[d] دهێتە دان.
- 11
- ئەڤە هەمی كارێ ئێك گیان و هەمان گیانە، ئەوێ ل دویڤ حەزا خۆ وان ل سەر هەر ئێكی ب تایبەتی لێكڤە دكەت.
- ئێك لەش و گەلەك ئەندام
- 12
- كا چەوا لەش ئێكە و گەلەك ئەندام هەنە، هەروەسا سەرەڕای كو ئەندامێن لەشی گەلەكن، لێ ئەو هەمی ئێك لەشن، مەسیح ژی یێ وەسایە.[e]
- 13
- چنكو ئەم هەمی ب گیانەكی هاتینە تافیركرن، دا ببینە لەشەك، چ جوهی بین یان یونانی، بەنی بین یان ئازاد، خودێ ئەم هەمی ژ هەمان گیان داینە ڤەخوارنێ.
- 14
- هەروەسا لەش نە ب تنێ ئەندامەكە، لێ گەلەك ئەندامن.
- 15
- ئەگەر پێ بێژیت: «چنكو ئەز نە دەستم، ئەز نە ژ لەشیمە»، ب ڤێ چەندێ ئەو نە ژ دەرڤەی لەشیە.
- 16
- ئەگەر گوهـ بێژیت: «چنكو ئەز نە چاڤم، ئەز نە ژ لەشیمە»، ب ڤێ چەندێ ئەو نە ژ دەرڤەی لەشیە.
- 17
- ئەگەر هەمی لەش چاڤ با، ئایا كا بهیستن؟ ئەگەر هەمی گوهـ با، ئایا كا بێهنكرن؟
- 18
- لێ ب راستی خودێ هەر ئێك ژ ئەندامان ل دویڤ حەزا خۆ د لەشی دا دانا.
- 19
- ئەگەر هەمی ئەندامەك با، ئایا كا لەش؟
- 20
- لێ ب راستی ئەندام گەلەكن و لەش ئێكە.
- 21
- چاڤ نەشێت بێژیتە دەستی: «من پێدڤی ب تە نینە!» سەر ژی نەشێت بێژیتە پێیان: «من پێدڤی ب هەوە نینە!»
- 22
- ب تەمامی بەروڤاژی ڤێ چەندێ، ئەندامێن لەشی یێن مرۆڤ هزر دكەن د لاوازن، ئەو گەلەك د پێدڤینە.
- 23
- ئەندامێن لەشی یێن ئەم هزر دكەین د بێڕێزن، ئەم رێزەكا باشتر ددەینێ. ئەندامێن مە یێن جهێ شەرمێ، پتر ب خەمخۆری دهێنە نخافتن،
- 24
- لێ ئەندامێن مە یێن نە جهێ شەرمێ، پێدڤی ب ڤێ چەندێ نینە. لێ خودێ هۆسا لەش پێك ئینا، وی رێزەكا باشتر دا یێ كێم رێز،
- 25
- دا دووبەرەكی د لەشی دا نەبیت، لێ ئەندام هەمان پویتەی ب ئێكودوو بدەن.
- 26
- ئەگەر ئەندامەك بئێشیت، هەمی ئەندام ل گەل وی دئێشن. ئەگەر رێز ل ئەندامەكی بهێتە گرتن، هەمی ئەندام ل گەل وی دلخۆش دبن.
- 27
- ئەڤجا هوین لەشێ مەسیحینە و هەر ئێك ژ هەوە ئەندامەكێ ویە.
- 28
- خودێ د ناڤ جڤاكا باوەرداران دا ئەڤە دانان: یێن ئێكێ هنارتی، یێن دوویێ پێغەمبەر، یێن سێیێ مامۆستا، پاشی یێن بەهرەیا حنێران هەی، پاشی یێن بەهرەیێن ساخكرنا نەخۆشان، هاریكاریكرنێ، بڕێڤەبرنێ و ئاخفتنێ ب زمانێن جۆراوجۆر هەی.[f]
- 29
- ما هەمی هنارتینە؟ ما هەمی پێغەمبەرن؟ ما هەمی مامۆستانە؟ ما هەمی حنێران دكەن؟
- 30
- ما هەمیان بەهرەیا ساخكرنا نەخۆشان هەیە؟ ما هەمی ب زمانێن دی دئاخڤن؟ ما هەمی زمانێن دی وەردگێڕن؟
- 31
- ئەڤجا مەرەقدارێن بەهرەیێن مەزنتر بن.
نوكە ئەز ژی دێ رێكەكا گەلەك باشتر ژ هەمیان نیشا هەوە دەم.
- a. 12:2
q پووتپەرێس: صەنەمپەرێس - b. 12:7 ئانكو دیاربوونا گیانێ پیرۆز ب رێكا بەهرەیێن روحانی
- c. 12:10
q حنێر: ب عەرەبی ‹معجزة› - d. 12:10
q وەرگێڕانا زمانان: مەبەست پێ شیانا ئاخفتن یان وەرگێڕانێ ژ زمانەكێ كو مرۆڤ ب رێكێن سرۆشتی فێری وی زمانی نەبوویە، لێ خودێ وێ شیانێ ددەتێ. بنێڕە كارێن هنارتیان 2:1-11 - e. 12:4-12 رۆما 12:4-8
- f. 12:28 ئەفەسۆس 4:11-12
