عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
به‌رخه‌كه‌ و گۆرانی جه‌ماوه‌ر 
1
پاشان بینیم به‌رخه‌كه‌ له‌سه‌ر كێوی سییۆن ڕاوه‌ستابوو، سه‌د و چل و چوار هه‌زار كه‌سی له‌گه‌ڵ بوو، ناوی ئه‌و و ناوی باوكی ئه‌ویان له‌سه‌ر ناوچه‌وانیان[a] نووسرابوو.
2
له‌ ئاسمانه‌وه‌ ده‌نگێكم بیست وه‌ك خوڕه‌ی ئاوێكی زۆر و ده‌نگی هه‌وره‌گرمه‌یه‌كی گه‌وره‌. ئه‌و ده‌نگه‌ كه‌ گوێم لێ بوو وه‌ك ده‌نگی قیساره‌ش وابوو كه‌ ژه‌نیاران ده‌یژه‌نن.
3
له‌به‌رده‌م ته‌خته‌كه‌ و له‌به‌رده‌م چوار بوونه‌وه‌ره‌كه‌ و پیره‌كان سروودێكی نوێیان ده‌گوت. كه‌س نه‌یده‌توانی سرووده‌كه‌ فێرببێت جگه‌ له‌و سه‌د و چل و چوار هه‌زاره‌ی له‌ زه‌وییه‌وه‌ كڕابوونه‌وه‌.
4
ئه‌وانه‌ ئه‌و كه‌سانه‌ن كه‌ خۆیان له‌گه‌ڵ ئافره‌ت گڵاو نه‌كردووه‌، چونكه‌ پاكن، ئه‌وانه‌ به‌دوای به‌رخه‌كه‌ ده‌كه‌ون بۆ هه‌ركوێ بڕوات، ئه‌وانه‌ له‌نێو خه‌ڵك كڕدراونه‌ته‌وه‌ وه‌ك نۆبه‌ره‌ بۆ خودا و به‌رخه‌كه‌.
5
درۆ له‌ ده‌میاندا نادۆزرێته‌وه‌، گله‌ییان له‌سه‌ر نییه‌.
سێ فریشته‌كه‌ 
6
ئینجا فریشته‌یه‌كی دیكه‌م بینی له‌ناوه‌ڕاستی ئاسماندا ده‌فڕی، مزگێنی هه‌تاهه‌تایی پێبوو، تاكو بۆ دانیشتووانی سه‌ر زه‌وی ڕابگه‌یه‌نێت، بۆ هه‌موو نه‌ته‌وه‌ و هۆز و زمان و گه‌لێك.
7
به‌ ده‌نگێكی به‌رز ده‌یگوت: «له‌ خودا بترسن و ستایشی بكه‌ن، چونكه‌ كاتی حوكمدان هاتووه‌. كڕنۆش بۆ دروستكه‌ری ئاسمان و زه‌وی و ده‌ریا و كانیاوه‌كان ببه‌ن.»
8
فریشته‌یه‌كی دووه‌م، له‌دوایه‌وه‌ ده‌یگوت: «كه‌وت! بابلی گه‌وره‌ كه‌وت، ئه‌وه‌ی به‌م جۆره‌ی كرد هه‌موو نه‌ته‌وه‌كان شه‌رابی تووڕه‌یی داوێنپیسییه‌كه‌ی بخۆنه‌وه‌.»
9
فریشته‌یه‌كی سێیه‌م، له‌ دوایانه‌وه‌ به‌ ده‌نگێكی به‌رز ده‌یگوت: «ئه‌وه‌ی كڕنۆش بۆ دڕنده‌كه‌ و په‌یكه‌ره‌كه‌ی ببات و نیشانه‌ی سه‌ر ده‌ستی یان نێوچه‌وانی وه‌ربگرێت،
10
ئه‌ویش شه‌رابی تووڕه‌یی خودا ده‌خواته‌وه‌، كه‌ به‌ ساده‌یی له‌ جامی تووڕه‌ییه‌كه‌ی ڕژاوه‌. له‌به‌رده‌م فریشته‌ پیرۆزه‌كان و به‌رخه‌كه‌دا به‌ ئاگر و گۆگرد ئازار ده‌درێت.
11
دووكه‌ڵی ئازاریان بۆ هه‌تاهه‌تایه‌ به‌رز ده‌بێته‌وه‌. ئه‌وانه‌ی كڕنۆش بۆ دڕنده‌كه‌ و په‌یكه‌ره‌كه‌ی ده‌به‌ن، ئه‌وه‌ی نیشانه‌ی ناوه‌كه‌ی وه‌ربگرێت شه‌و و ڕۆژ پشوویان نابێت.»
12
ئه‌مه‌ بانگه‌وازه‌ بۆ دانبه‌خۆداگرتنی گه‌لی پیرۆزی خودا كه‌ ڕاسپارده‌كانی ئه‌وانه‌ی به‌جێده‌گه‌یه‌نن و باوه‌ڕی عیسا ده‌پارێزن.
13
گوێم له‌ ده‌نگێك بوو له‌ ئاسمانه‌وه‌ ده‌یگوت: «بنووسه‌: خۆزگه‌ ده‌خوازرێت به‌و مردووانه‌ی له‌ ئێستاوه‌ به‌ یه‌كبوون له‌گه‌ڵ عیسای خاوه‌ن شكۆ ده‌مرن!»
ڕۆحی پیرۆز ده‌فه‌رموێ: «به‌ڵێ، بۆ ئه‌وه‌ی له‌ ماندووبوونیان بحه‌سێنه‌وه‌، چونكه‌ كرده‌وه‌كانیان شوێنیان ده‌كه‌ون.»
دروێنه‌ی زه‌وی 
14
پاشان ته‌ماشام كرد، ئه‌وه‌تا هه‌ورێكی سپی و له‌سه‌ر هه‌وره‌كه‌ یه‌كێكی وه‌ك كوڕی مرۆڤ[b] دانیشتووه‌، تاجێكی زێڕینی له‌سه‌ر بوو و داسێكی تیژی به‌ده‌سته‌وه‌ بوو.
15
فریشته‌یه‌كی دیكه‌ له‌ په‌رستگا هاته‌ ده‌ره‌وه‌ و به‌ ده‌نگێكی به‌رز بانگی دانیشتووی سه‌ر هه‌وره‌كه‌ی كرد: «داسه‌كه‌ت هه‌ڵگره‌ و بدروه‌وه‌، چونكه‌ كاتی دروێنه‌ هاتووه‌ و به‌رهه‌می زه‌وی پێگه‌یشتووه‌.»
16
جا دانیشتووی سه‌ر هه‌وره‌كه‌ داسه‌كه‌ی بۆ سه‌ر زه‌وی وه‌شاند و زه‌وی دروێنه‌ كرا.
17
فریشته‌یه‌كی دیكه‌ له‌ په‌رستگاكه‌ی له‌ ئاسمانه‌ ده‌رچوو و ئه‌ویش داسێكی تیژی پێبوو.
18
فریشته‌یه‌كی دیكه‌ له‌ قوربانگاوه‌ ده‌رچوو و ده‌سه‌ڵاتی به‌سه‌ر ئاگردا هه‌بوو. به‌ ده‌نگێكی به‌رز به‌ ئه‌وه‌ی گوت كه‌ داسه‌ تیژه‌كه‌ی پێبوو: «داسه‌ تیژه‌كه‌ت هه‌ڵگره‌ و هێشووه‌كانی ڕه‌زی زه‌وی كۆبكه‌ره‌وه‌، چونكه‌ ترێیه‌كه‌ی پێگه‌یشتووه‌.»
19
فریشته‌كه‌ داسه‌كه‌ی وه‌شانده‌ زه‌وی و ڕه‌زه‌كانی زه‌وی ڕنی و فڕێیدایه‌ ناو گوشه‌ره‌ گه‌وره‌كه‌ی تووڕه‌یی خودا.
20
گوشه‌ره‌كه‌[c] له‌ ده‌ره‌وه‌ی شار گوشرا، تاكو به‌رزی لغاوی ئه‌سپ، هه‌زار و شه‌ش سه‌د ستادیا[d] خوێن له‌ گوشه‌ره‌كه‌ ده‌رچوو.
  1. a. 14‏:1 بڕوانه‌ \+xt حزقیێل 9‏:4‏\+xt*‏.
  2. b. 14‏:14 بڕوانه‌ \+xt دانیال 7‏:13‏\+xt*‏.
  3. c. 14‏:20 بڕوانه‌ \+xt ئیشایا 63‏:3‏\+xt*‏.
  4. d. 14‏:20 ده‌كاته‌ نزیكه‌ی سێ سه‌د كیلۆمه‌تر.