عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
دانیشتووانی نوێی ئۆرشه‌لیم 
1
ڕابه‌ره‌كانی گه‌ل له‌ ئۆرشه‌لیم نیشته‌جێ بوون و پاشماوه‌ی گه‌لیش تیروپشكیان كرد هه‌تا یه‌ك له‌ ده‌یان بێن بۆ نیشته‌جێبوون له‌ ئۆرشه‌لیم، شاری پیرۆز، نۆ به‌شه‌كه‌ش له‌ شارۆچكه‌كانی خۆیان مانه‌وه‌.
2
گه‌ل داوای به‌ره‌كه‌تیان كرد بۆ هه‌موو ئه‌وانه‌ی كه‌ خۆبه‌خش بوون بۆ نیشته‌جێبوون له‌ ئۆرشه‌لیم.
3
كاهین و لێڤی و كۆیله‌ ته‌رخانكراوه‌كان و نه‌وه‌ی خزمه‌تكاره‌كانی سلێمان له‌ شارۆچكه‌كانی یه‌هودا نیشته‌جێ بوون، هه‌ریه‌كه‌ و له‌ موڵكه‌كه‌ی خۆی له‌ناو شارۆچكه‌كانیان له‌ ئیسرائیل. ڕابه‌رانی هه‌رێمه‌كه‌ش له‌ ئۆرشه‌لیم نیشته‌جێ بوون،
4
ئه‌وانه‌ی له‌ نه‌وه‌ی یه‌هودا و بنیامین له‌ناو ئۆرشه‌لیم نیشته‌جێ بوون.
له‌ نه‌وه‌ی یه‌هودا:
عه‌تایا كوڕی عوزیا كوڕی زه‌كه‌ریا كوڕی ئه‌مه‌ریا كوڕی شه‌فه‌تیا كوڕی مه‌هله‌لئێل له‌ نه‌وه‌ی پێرێز،
5
له‌گه‌ڵ مه‌عسێیاهوی كوڕی باروخیش كوڕی كۆل‌حوزێ كوڕی حه‌زایا كوڕی عه‌دایا كوڕی یۆیاریڤ كوڕی زه‌كه‌ریای خه‌ڵكی شاله‌ح.
6
هه‌موو نه‌وه‌ی پێرێز كه‌ له‌ ئۆرشه‌لیم دانیشتبوون، چوار سه‌د و شه‌ست و هه‌شت پیاوی توانادار بوون.
7
ئه‌مانه‌ش نه‌وه‌ی بنیامینن:
سه‌لو كوڕی مه‌شولام كوڕی یۆعێد كوڕی په‌دایا كوڕی قۆلایای كوڕی مه‌عسێیاهوی كوڕی ئیتیێلی كوڕی یه‌شه‌عیا،
8
له‌گه‌ڵ گه‌به‌ی و سه‌له‌ی كه‌ شوێنكه‌وتووه‌كانی بوون، نۆ سه‌د و بیست و هه‌شت كه‌س بوون.
9
یۆئێلی كوڕی زكری سه‌رپه‌رشتیاریان بوو، یه‌هودای كوڕی هه‌سه‌نوئاش سه‌رپه‌رشتیاری به‌شی دووه‌می شاره‌كه‌وه‌ بوو.
10
له‌ كاهینه‌كان:
یه‌دایای كوڕی یۆیاریڤ؛ یاكین؛
11
سه‌رایای كوڕی حیلقیا كوڕی مه‌شولام كوڕی سادۆق كوڕی مه‌رایۆت كوڕی ئه‌حیتوڤی سه‌ركرده‌ی ماڵی خودا و
12
هاوكاره‌كانیشیان ئه‌وانه‌ی كاری په‌رستگاكه‌یان ده‌كرد، هه‌شت سه‌د و بیست و دوو بوون؛ له‌گه‌ڵ عه‌دایای كوڕی یه‌رۆحام كوڕی په‌له‌لیا كوڕی ئه‌مچی كوڕی زه‌كه‌ریا كوڕی په‌شحور كوڕی مه‌لكیا و
13
هاوكاره‌كانیشی گه‌وره‌ی بنه‌ماڵه‌كان بوون، دوو سه‌د و چل و دوو بوون؛ له‌گه‌ڵ عه‌مشسه‌ی كوڕی عه‌زه‌رئێل كوڕی ئه‌حزه‌ی كوڕی مه‌شیلێمۆت كوڕی ئیمێر و
14
هاوكاره‌كانیشیان پاڵه‌وانه‌ به‌جه‌رگه‌كان بوون، سه‌د و بیست و هه‌شت بوون. زه‌بدیێلی كوڕی گیدۆلیم سه‌رپه‌رشتیاریان بوو.
15
له‌ لێڤییه‌كانیش:
شه‌مه‌عیای كوڕی حه‌شوڤ كوڕی عه‌زریقام كوڕی حه‌شه‌ڤیای كوڕی بوننی؛
16
شه‌به‌ته‌ی و یۆزاڤاد له‌ ڕابه‌ره‌كانی لێڤییه‌كان بوون، سه‌رپه‌رشتیاری كاره‌كه‌ی ده‌ره‌وه‌ی ماڵی خودا بوون؛
17
هه‌روه‌ها مه‌ته‌نیای سه‌رپه‌رشتیار، كه‌ كوڕی میكا كوڕی زه‌بدی كوڕی ئاساف بوو، له‌ كاتی نوێژدا سه‌رپه‌رشتی سوپاسگوزاری ده‌كرد؛ به‌قبوقیا كه‌ دووه‌م بوو له‌نێو هاوكاره‌كانی؛ عه‌ڤدای كوڕی شه‌موع كوڕی گالال كوڕی یه‌دوتون.
18
هه‌موو لێڤییه‌كان له‌ناو شاری پیرۆز دوو سه‌د و هه‌شتا و چوار كه‌س بوون.
19
ده‌رگاوانه‌كان:
عه‌قوڤ و ته‌لمۆن و هاوكاره‌كانیان، ئه‌وانه‌ی كه‌ له‌ ده‌روازه‌كان ئێشكیان ده‌گرت، سه‌د و حه‌فتا و دوو بوون.
20
پاشماوه‌ی ئیسرائیلیش له‌ كاهین و لێڤییه‌كان له‌ هه‌موو شارۆچكه‌كانی یه‌هودا بوون، هه‌ریه‌كه‌ له‌ میراته‌كه‌ی خۆی.
21
به‌ڵام كۆیله‌ ته‌رخانكراوه‌كان له‌ گردی عۆفه‌ل نیشته‌جێ بوون، چیحا و گیشپا و گێشپا سه‌رپه‌رشتیاریان بوون.
22
سه‌رپه‌رشتیاری لێڤییه‌كانیش له‌ ئۆرشه‌لیم عوزی كوڕی بانی كوڕی حه‌شه‌ڤیا كوڕی مه‌ته‌نیا كوڕی میكا بوو. عوزی له‌ نه‌وه‌ی ئاساف بوو، ئه‌و گۆرانیبێژانه‌ی كه‌ به‌رپرسیار بوون له‌ خزمه‌تی ماڵی خودا.
23
پاشا فه‌رمانی له‌سه‌ر گۆرانیبێژه‌كان ده‌كرد، فه‌رمانه‌كانی یاسا بوون ده‌رباره‌ی ئه‌ركی ڕۆژانه‌یان.
24
هه‌روه‌ها په‌ته‌حیای كوڕی مه‌شێزه‌بێل كه‌ له‌ نه‌وه‌ی زه‌ره‌حی كوڕی یه‌هودا بوو، بریكاری پاشا بوو بۆ هه‌موو كاروباره‌كانی گه‌ل.
25
هه‌ندێك له‌ نه‌وه‌ی یه‌هودا له‌ كێڵگه‌كانی ده‌وروبه‌ری گونده‌كان نیشته‌جێ بوون: له‌ قیریه‌ت ئه‌ربه‌ع و ده‌وروبه‌ری؛ له‌ دیڤۆن و ده‌وروبه‌ری؛ له‌ یه‌قه‌ڤچئێل و ده‌وروبه‌ری؛
26
له‌ یێشوع و مۆلادا و بێت‌په‌له‌ت؛
27
له‌ حه‌چه‌ر شوعال و بیری شابه‌ع و ده‌وروبه‌ری؛
28
له‌ چیقله‌گ و له‌ مه‌كۆنا و ده‌وروبه‌ری؛
29
له‌ كانی ڕیمۆن و چۆرعا و یه‌رموت؛
30
له‌ زانۆوه‌ح و عه‌دولام و گونده‌كانیان؛ له‌ لاخیش و كێڵگه‌كانی؛ و له‌ عه‌زێقا و ده‌وروبه‌ری. ئیتر له‌ بیری شابه‌عه‌وه‌ هه‌تا دۆڵی هینۆم نیشته‌جێ بوون.
31
بنیامینه‌كانی خه‌ڵكی گه‌ڤه‌ع له‌م گوندانه‌ نیشته‌جێ بوون: له‌ میخماس، عه‌ییا، بێت‌ئێل و ده‌وروبه‌ری؛
32
له‌ عه‌ناتۆت، نۆڤ و عه‌نانیا؛
33
له‌ حاچۆر، ڕامه‌ و گیته‌یم؛
34
له‌ حادید، چه‌ڤۆعیم و نه‌ڤه‌ڵات؛
35
له‌ لۆد و ئۆنۆ، هه‌روه‌ها له‌ دۆڵی پیشه‌وه‌ره‌كان.
36
هه‌ندێك به‌شی لێڤییه‌كانی یه‌هودا له‌ خاكی بنیامین نیشته‌جێ بوون.