عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
دایك و باوك و منداڵ 
1
ئه‌ی منداڵان، له‌به‌ر مه‌سیحی باڵاده‌ست، گوێڕایه‌ڵی دایك و باوكتان بن، چونكه‌ ئه‌مه‌ ڕاسته‌.
2
{ڕێزی دایك و باوكتان بگرن.} ئه‌مه‌ یه‌كه‌م ڕاسپارده‌یه‌ له‌گه‌ڵ به‌ڵێنه‌وه‌ دێت
3
{بۆ ئه‌وه‌ی چاكه‌ بێته‌ ڕێتان و ته‌مه‌ن درێژ بن له‌سه‌ر زه‌وی.}[a]
4
ئێوه‌ش ئه‌ی باوكان، منداڵه‌كانتان تووڕه‌ مه‌كه‌ن، به‌ڵكو به‌گوێره‌ی ڕێنمایی و فێركردنی مه‌سیحی باڵاده‌ست په‌روه‌رده‌یان بكه‌ن.
كۆیله‌ و گه‌وره‌كانیان 
5
ئه‌ی كۆیله‌كان، گوێڕایه‌ڵی گه‌وره‌كانتان بن له‌سه‌ر زه‌وی، به‌ ترس و له‌رزه‌وه‌ به‌ دڵپاكی، وه‌ك بۆ مه‌سیح بێت،
6
نه‌ك به‌ خزمه‌تی به‌رچاوان وه‌ك ئه‌وه‌ی خه‌ڵك ڕازی بكات، به‌ڵكو وه‌ك كۆیله‌ی مه‌سیح به‌دڵ خواستی خودا به‌جێبهێنن.
7
با خزمه‌تتان له‌ دڵه‌وه‌ بێت، وه‌ك بۆ عیسای خاوه‌ن شكۆی بكه‌ن نه‌ك بۆ خه‌ڵكی،
8
چونكه‌ ده‌زانن هه‌ر یه‌كێك چ چاكه‌كارییه‌ك بكات ئه‌وه‌ له‌ عیسای خاوه‌ن شكۆ وه‌رده‌گرێته‌وه‌، كۆیله‌ بێت یاخود ئازاد.
9
ئێوه‌ش ئه‌ی گه‌وره‌كان، هه‌مان شتیان بۆ بكه‌ن، واز له‌ هه‌ڕه‌شه‌لێكردنیان بهێنن، بزانن گه‌وره‌ی ئه‌وان و ئێوه‌ له‌ ئاسمانه‌، ئه‌ویش لایه‌نگری ناكات.
چه‌كی ته‌واوی خودا 
10
له‌ كۆتاییدا پێتان ده‌ڵێم كه‌ به‌ مه‌سیحی باڵاده‌ست و هێزه‌ گه‌وره‌كه‌ی به‌هێزبن.
11
به‌ چه‌كی ته‌واوی خودا خۆتان چه‌كدار بكه‌ن، تاكو بتوانن به‌رامبه‌ر پیلانی شه‌یتان خۆتان ڕابگرن،
12
چونكه‌ زۆرانبازی ئێمه‌ له‌گه‌ڵ گۆشت و خوێن نییه‌، به‌ڵكو له‌ دژی سه‌رۆكه‌كان، له‌ دژی ده‌سه‌ڵاتداران، له‌ دژی فه‌رمانڕه‌وایانی ئه‌م تاریكییه‌ی جیهانه‌، هه‌روه‌ها له‌ دژی سه‌ربازه‌ به‌دكاره‌ ڕۆحییه‌كانه‌ له‌ شوێنه‌كانی ئاسمان.
13
بۆیه‌ چه‌كی ته‌واوی خودا هه‌ڵبگرن، تاكو بتوانن له‌ ڕۆژی به‌دكاردا خۆڕاگر بن و دوای ته‌واوبوونی هه‌موو شتێك، بچه‌سپێن.
14
به‌ به‌ستنی پشتێنی ڕاستی به‌ ناوقه‌دتان و سپه‌ری[b] ڕاستودروستی به‌ سنگتانه‌وه‌،
15
ئاماده‌یی له‌ پێ بكه‌ن بۆ ڕاگه‌یاندنی مزگێنی ئاشتی[c] ،
16
له‌ سه‌رووی هه‌موو ئه‌وانه‌ قه‌ڵغانی باوه‌ڕ هه‌ڵبگرن، به‌مه‌ ده‌توانن هه‌موو تیره‌ گڕداره‌كانی شه‌یتان بكوژێننه‌وه‌.
17
هه‌روه‌ها كڵاوی ئاسنینی ڕزگاری له‌سه‌ر بكه‌ن و شمشێری ڕۆحی پیرۆز هه‌ڵبگرن كه‌ په‌یامی خودایه‌.
18
به‌ هه‌موو جۆره‌ نوێژێك و پاڕانه‌وه‌یه‌ك، هه‌موو كاتێك له‌ ڕۆحی پیرۆزدا نوێژ بكه‌ن، بۆ ئه‌مه‌ش شه‌واره‌ بگرن به‌وپه‌ڕی به‌رده‌وامی و پاڕانه‌وه‌ بۆ ته‌واوی گه‌لی پیرۆزی خودا.
19
نوێژ بۆ منیش بكه‌ن تاكو هه‌ر كاتێك ده‌مم ده‌كه‌مه‌وه‌ قسه‌ی گونجاوم بدرێتێ، ئازایانه‌ نهێنی په‌یامی ئینجیل ڕابگه‌یه‌نم.
20
من لێره‌ باڵوێزی ئینجیلم، هه‌رچه‌نده‌ له‌ پێناویدا كۆت و به‌ند كراوم، نوێژ بكه‌ن بۆ ئه‌وه‌ی به‌گوێره‌ی پێویست ئازابم بۆ قسه‌كردن.
سڵاوی كۆتایی 
21
برای خۆشه‌ویستمان تیخیكۆس، كه‌ خزمه‌تكاری دڵسۆزه‌ له‌ خزمه‌تی مه‌سیحی باڵاده‌ستدا، هه‌موو شتێكتان پێ ده‌ڵێت بۆ ئه‌وه‌ی ئێوه‌ش هه‌واڵی من بزانن و ئاگاداری ئه‌وه‌ بن كه‌ خه‌ریكی چیم.
22
به‌ تایبه‌تی بۆ ئه‌مه‌ ناردمه‌ لاتان، تاكو هه‌واڵی ئێمه‌ بزانن و وره‌تان به‌رز بكاته‌وه‌.
23
له‌ خودای باوك و عیسای مه‌سیحی خاوه‌ن شكۆوه‌، ئاشتی و خۆشه‌ویستییه‌كی له‌گه‌ڵ باوه‌ڕ بۆ باوه‌ڕداران.
24
نیعمه‌ت له‌گه‌ڵ هه‌موو ئه‌وانه‌ بێت كه‌ به‌ خۆشه‌ویستییه‌كی نه‌مر عیسای مه‌سیحی گه‌وره‌ی ئێمه‌یان خۆشده‌وێت.
  1. a. 6‏:3 \+xt دواوتار 5‏:16‏\+xt*.
  2. b. 6‏:14 جلێكی ئاسنینه‌ بۆ پاراستنی سنگی سه‌رباز له‌ كاتی جه‌نگدا. \+xt بڕوانه‌ ئیشایا 59‏:17.‏\+xt*‏
  3. c. 6‏:15 ڕاگه‌یاندنی مژده‌ی ئاشتبوونه‌وه‌ له‌گه‌ڵ خودا.