عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
شوانی مێگه‌لی خودا 
1
داوا له‌و پیرانه‌ ده‌كه‌م كه‌ له‌نێوتاندان، وه‌ك پیرێكی هاوڕێ، شایه‌تی ئازاره‌كانی مه‌سیح و هاوبه‌شی ئه‌و شكۆیه‌ی وا ڕاده‌گه‌یه‌نرێ:
2
ئه‌و مێگه‌له‌ی خودا بله‌وه‌ڕێنن كه‌ له‌نێوانتاندایه‌، وه‌ك چاودێر خزمه‌ت بكه‌ن، نه‌ك به‌ ناچاری، به‌ڵكو به‌ ویسته‌وه‌ به‌گوێره‌ی خودا، نه‌ك بۆ ده‌ستكه‌وتی شه‌رمه‌زاری، به‌ڵكو به‌ چالاكییه‌وه‌،
3
خۆتان به‌سه‌ر ئه‌وانه‌دا مه‌سه‌پێنن كه‌ دراونه‌ته‌ ده‌ستتان، به‌ڵكو ببنه‌ نموونه‌ بۆ مێگه‌ل.
4
كاتێكیش سه‌رۆكی شوانان ده‌رده‌كه‌وێ، تاجی شكۆ وه‌رده‌گرن كه‌ كاڵ نابێته‌وه‌.
5
ئه‌ی لاوه‌كان، به‌ هه‌مان شێوه‌ ملكه‌چی پیران بن، هه‌مووتان خۆتان به‌ بچووكی یه‌كتر بزانن، چونكه‌:
{خودا به‌رهه‌ڵستی لووتبه‌رزه‌كان ده‌كات،
به‌ڵام نیعمه‌ت ده‌داته‌ بێفیزه‌كان.}[a]
6
بۆیه‌ له‌ژێر ده‌ستی به‌هێزی خودا بێفیز بن، تاكو له‌ كاتی خۆیدا به‌رزتان بكاته‌وه‌.
7
هه‌موو خه‌مێكتان به‌ خودا بسپێرن، چونكه‌ ئه‌و بایه‌ختان پێده‌دات.
8
چاوكراوه‌ بن و ئێشك بگرن، شه‌یتانی دوژمنتان وه‌ك شێرێكی به‌ نه‌ڕه‌نه‌ڕ ده‌سووڕێته‌وه‌، به‌دوای یه‌كێكدا ده‌گه‌ڕێ بۆ ئه‌وه‌ی بیخوات.
9
به‌ربه‌ره‌كانێی بكه‌ن، چه‌سپاو بن له‌ باوه‌ڕ، بزانن خوشك و براكانیشتان له‌ جیهاندا هه‌مان ئازار ده‌چێژن.
10
خودای هه‌موو نیعمه‌تێك، ئه‌وه‌ی به‌هۆی عیسای مه‌سیحه‌وه‌ بانگی كردوون بۆ شكۆیه‌ هه‌تاهه‌تاییه‌كه‌ی، كه‌ تۆزێك ئازارتان چێژت، خۆی ته‌واوكارتانه‌ و ده‌تانچه‌سپێنێت و به‌هێزتان ده‌كات و بناغه‌تان داده‌نێت.
11
هه‌تاهه‌تایه‌ هێز بۆ ئه‌وه‌. ئامین.
نیعمه‌تی ڕاستی خودا 
12
به‌هۆی سیلا[b] ، كه‌ به‌ برای دڵسۆزی ده‌زانم، به‌ كورتی بۆم نووسین، هانتان ده‌ده‌م و شایه‌تی ده‌ده‌م، ئه‌مه‌ نیعمه‌ته‌ ڕاسته‌قینه‌كه‌ی خودایه‌. تێیدا بچه‌سپێن.
13
ئه‌وه‌ی له‌ بابل[c] وه‌ك ئێوه‌ هه‌ڵبژێردراوه‌، سڵاوتان لێده‌كات، هه‌روه‌ها مه‌رقۆسی ڕۆڵه‌م.
14
به‌ ماچی خۆشه‌ویستی سڵاو له‌ یه‌كتری بكه‌ن. ئاشتی بۆ هه‌مووتان بێت، ئێوه‌ كه‌ سه‌ر به‌ مه‌سیحن.
  1. a. 5‏:5 \+xt په‌نده‌كان 3‏:34‏\+xt*‏
  2. b. 5‏:12 یۆنانی: \+tl سیلوانۆس\+tl*.
  3. c. 5‏:13 بابل: هێمایه‌ بۆ ڕۆما.