عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
ئێمناهیا خودێ 
1
مادەم هۆسایە، چ تایبەتیا جوهیان هەیە؟ یان مفایێ سونەتكرنێ چیە؟
2
ژ هەمی لایان ڤە گەلەكە، یا ئێكێ خودێ ئەو كرنە ئەمیندارێن پەیڤێن خۆ.
3
ما چیە ئەگەر هندەك ژ وان بێسۆز دەركەفتبن؟ ئایا بێسۆزیا وان دێ سۆزداریا خودێ ژ كار ئێخیت؟
4
حاشا! خودێ یێ راستگۆیە، ئەگەر هەمی مرۆڤ ددرەوین بن ژی. هەروەكو هاتیە نڤیسین:
«داكو تۆ د گۆتنێن خۆ دا راستدار دەركەڤی
و د دادكرنێ دا تۆ ب سەر بكەڤی.»[a]
5
لێ ئەگەر نەڕاستیا مە راستداریا خودێ دیار دكەت، ئەم چ بێژین؟ ل ڤێرێ ئەز وەكو مرۆڤەكێ سادە دپرسم: ما خودێ یێ ستەمكارە دەمێ ئەو تۆڕەییا خۆ دبارینیت؟
6
حاشا! پا ئەگەر وەسا بیت، خودێ چەوا دێ جیهانێ داد كەت؟
7
لێ ئەگەر راستیا خودێ ب درەوا من ئاشكراتر لێ هات و د ئەنجام دا مەزناهیا خودێ پتر دیار بوو، ئێدی بۆچی ئەز وەك گونەهكارەكی دهێمە گونەهباركرن؟
8
ئەڤ پرسیارە ژی هەروەكو هندەك كەس بوهتانێ ل مە دكەن كو ئەم دبێژین: «بلا ئەم خرابیێ بكەین، دا باشی ژێ پەیدا ببیت.» سزادانا وان كەسان یا دادپەروەرانەیە.
كەسەك یێ راستدار نینە 
9
ئەڤجا چ؟ ما ئەم جوهی د چێترین؟ نەخێر، ئێكجار! چنكو مە بەری نوكە دیار كر كو جوهی و یونانی[b] ، هەمی پێكڤە د بن هێزا گونەهێ دانە.
10
هەروەكو هاتیە نڤیسین:
«كەسەكێ راستدار نینە، خۆ ئێك ژی.
11
كەسەك نینە تێبگەهیت،
كەسەك نینە قەستا خودێ بكەت.
12
هەمی ڤاڕێ بوون،
و پێكڤە بێوەج بوون.
كەسەك نینە قەنجیێ بكەت،
خۆ ئێك ژی نینە.[c]
13
گەوریا وان گۆڕەكێ ڤەكریە،
ب ئەزمانێ خۆ خاپاندنێ دكەن.[d]
ژەهرا ماران د بن لێڤێن وان دایە.[e]
14
دەڤێ وان ژ نفرین و تەحلاتیێ یێ پڕە.[f]
15
پێیێن وان ژ بۆ خوینڕشتنێ ب لەز دكەڤن.
16
د شووپا وان دا وێرانكرن و پەریشانی یا هەی،
17
و ئەوان رێكا ئاشتیێ نەزانیە.[g]
18
ترسا خودێ ل بەر چاڤێن وان نینە.[h] »
19
ئەڤجا ئەم دزانین هەر تشتێ دەستوور دبێژیت، بۆ وان مرۆڤان دبێژیت یێن كو د بن دەستهەلاتا دەستووری دا، داكو هەمی دەڤ بهێنە گرتن و جیهان هەمی بكەڤیتە د بن لێپرسینا خودێ ڤە.
20
چنكو ب ئەنجامدانا دەستووری چ كەس ل بەر خودێ راستدار[i] دەرناكەڤن، ژ بەر كو ب دەستووری گونەهـ دهێتە نیاسین.
مرۆڤ ب باوەریێ ل نك خودێ راستدار دەردكەڤیت 
21
لێ نوكە راستداریا خودێ، جودا ژ دەستووری، ئاشكرا بوویە، دەستوور و پەرتووكێن پێغەمبەران ژی شاهدەییێ بۆ ڤێ چەندێ ددەن.
22
ئەڤ راستداریا خودێ، یا ب رێكا باوەریئینانا ب عیسایێ مەسیح دهێت، بۆ وان هەمیانە یێن باوەریێ دئینن، چنكو چ جوداهی د ناڤبەرا مرۆڤان دا نینە.[j]
23
ژ بەر كو هەمیان گونەهـ كر و نەگەهشتنە مەزناهیا خودێ،
24
لێ ئەوێن باوەریێ دئینن، ب كەرەما خودێ بێ بەرامبەر بێگونەهـ دهێنە هژمارتن، ب رێیا رزگاركرنا ب مەسیح عیسای هاتی.
25
خودێ ئەو وەكو كەفارەتەك[k] ب خوینا وی پێشكێش كر، بۆ ئەوێن باوەریێ پێ بینن. وی ژ بۆ دیاركرنا راستداریا خۆ ئەڤە كر، چنكو وی ب بێهنفرەهیا خۆ چاڤپووشی ژ گونەهێن بوری كر.
26
وی ژ بۆ دیاركرنا راستداریا خۆ د دەمێ نوكە دا ئەڤە كر، دا ئەو یێ دادپەروەر بیت و یێ باوەریێ ب عیسای بینیت بێگونەهـ دەربئێخیت.
27
ئەڤجا چ مایە ئەم شانازیێ پێ ببەین؟ چ نەما. ب چ یاسا نەما؟ ئایا ب یاسایا كریاران؟ نەخێر، لێ ب یاسایا باوەریێ.
28
چنكو ئەم یێن گەهشتینە وێ پشتڕاستیێ كو مرۆڤ ب باوەریێ راستدار دەردكەڤیت، جودا ژ كریارێن دەستووری.
29
ما خودێ یێ جوهیان ب تنێیە؟ ما ئەو نە یێ مللەتێن دی ژییە؟ بەلێ، ئەو یێ مللەتێن دی ژییە،
30
چنكو خودێ ئێكە و ئەو دێ یێن سونەتكری[l] ژ بەر باوەریا وان و یێن سونەتنەكری[m] ژی ب باوەریێ راستدار دەرئێخیت.
31
ئەگەر هۆسا بیت، ما ئەم ب باوەریێ دەستووری ژ كار دئێخین؟ حاشا! لێ ئەم دەستووری دسەلمینین.
  1. a. 3‏:4 زەبوور 51‏:4
  2. b. 3‏:9 مەبەست پێ نەجوهی
  3. c. 3‏:10‏-12 زەبوور 14‏:1‏-3؛ 53‏:1‏-3؛ ئاقلمەند 7‏:20
  4. d. 3‏:13 زەبوور 5‏:9
  5. e. 3‏:13 زەبوور 140‏:3
  6. f. 3‏:14 زەبوور 10‏:7
  7. g. 3‏:15‏-17 ئیشایا 59‏:7‏-8؛ پەند 1‏:16
  8. h. 3‏:18 زەبوور 36‏:1
  9. i. 3‏:20 ئانكو بێگونەه
  10. j. 3‏:20‏-22 گالاتیا 2‏:16
  11. k. 3‏:25 q كەفارەت: ئەو قوربانە یا تۆڕەییا خودێ ژ سەر مرۆڤی رادكەت.
  12. l. 3‏:30 q سونەتكری: مەبەست پێ جوهینە.
  13. m. 3‏:30 q سونەتنەكری: مەبەست پێ یێن نە جوهی.