عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- ژن بەردان
- 1
- پشتی عیسای ئەڤ ئاخفتنە ب دویماهی ئیناین، ژ جەلیلێ دەركەفت و چوو دەڤەرا یەهودیایێ، ئەوا دكەڤیتە لایێ دی یێ رویبارێ ئوردن[a] .
- 2
- گەلەك جەماوەر ب دویڤ كەفتن و نەساخێن وان ل وێرێ ساخ كرن.
- 3
- هندەك فەریسی هاتنە نك عیسای، داكو تاقی بكەن، ژێ پرسین: «ئەرێ رەوایە زەڵام ژ بەر هەر ئەگەرەكێ هەبیت، ژنا خۆ بەردەت؟»
- 4
- وی بەرسڤ دا و گۆت: «ئەرێ ما هەوە نەخواندیە، كو ئافرێندەری ‹ژ دەستپێكێ مرۆڤ نێر و مێ یێن داین›[b] ؟
- 5
- و گۆت: ‹ژ بەر ڤێ چەندێ زەڵام دێ دایك و بابێن خۆ هێلیت و ب ژنا خۆ ڤە نویسیێت و دێ هەردوو بنە ئێك لەش›،[c]
- 6
- هۆسا ئێدی ئەو نە دوونە، لێ ئێك لەشن. ئەڤجا ئەوێن خودێ ئەو كرینە ئێك، بلا مرۆڤ ژێكڤە نەكەت.»
- 7
- ژێ پرسین: «لێ بۆچی مووسای فەرمان دابوو كو مێر بەلگەنامەیا بەردانێ بدەتە ژنا خۆ، ئەگەر وێ بەردەت؟»[d]
- 8
- عیسای بەرسڤا وان دا: «ژ بەر سەرهشكیا هەوە مووسای هێلا هوین ژنێن خۆ بەردەن، لێ ل دەستپێكێ هۆسا نەبوو
- 9
- و ئەز دبێژمە هەوە: هەر كەسێ ژبلی ئەگەرێ دەهمەنپیسیێ ژنا خۆ بەردەت و بۆ خۆ ئێكا دی بینیت، ئەو دەهمەنپیسیێ دكەت.»
- 10
- ئینا شاگردێن وی گۆتێ: «ئەگەر كاودانێ مێری ل گەل ژنێ یێ هۆسا بیت، باشترە ژنێ نەئینیت.»
- 11
- عیسای بەرسڤا وان دا: «هەمی كەس نەشێن ڤێ گۆتنێ قەبیل بكەن، ژبلی وان یێن خودێ ئەو كەرەم ل گەل كری.
- 12
- چنكو هندەك ژ زكماكی د خەساندینە و هندەك ژی ژ لایێ خەلكی ڤە هاتینە خەساندن و هندەكێن دی بڕیار دایە ژ پێخەمەت پاشایەتیا ئەسمانان وەكو یێن خەساندی بژین[e] . ئەڤجا یێ بشێت ڤێ چەندێ قەبیل بكەت، بلا قەبیل بكەت.»
- عیسا زاڕۆكان بەرەكەتدار دكەت
- 13
- پشتی هنگی هندەك زاڕۆك ئینانە نك عیسای، دا دەستێن خۆ بدانیتە سەر وان و نڤێژێ بكەت، شاگردان ژی ل وان حەیتاند.
- 14
- لێ عیسای گۆت: «بهێلن زاڕۆك بهێنە نك من و رێ لێ نەگرن، چنكو پاشایەتیا ئەسمانان بۆ یێن وەكو وانە.»
- 15
- وی دەستێن خۆ دانانە سەر وان و ژ وێرێ چوو.
- گەنجێ دەولەمەند
- 16
- پاشی وەسا چێبوو ئێك ب نك عیسای ڤە هات و گۆتێ: «مامۆستا، چ چاكیێ بكەم دا ژیانا هەروهەر ب دەست خۆ ڤە بینم؟»
- 17
- عیسای بەرسڤا وی دا: «بۆچی تۆ دەربارەی چاكیێ پرسیارا من دكەی؟ ب تنێ ئێكێ هەی یێ چاكە. لێ ئەگەر تە بڤێت تۆ بچیە د ژیانێ دا، فەرمانان ب جهـ بینە.»
- 18
- وی گۆتێ: «كیژ فەرمانان؟» عیسای بەرسڤ دا: «‹كوشتنێ نەكە، دەهمەنپیسیێ نەكە، دزیێ نەكە، شاهدەییا ب درەو نەدە،
- 19
- رێزێ ل دایك و بابێن خۆ بگرە›[f] و ‹حەز ژ نێزیكێ خۆ بكە، وەك چەوا تۆ حەز ژ خۆ دكەی›[g] .»
- 20
- گەنجی گۆتێ: «من ئەڤە هەمی ب جهـ ئیناینە. ئێدی چ یێ ژ من كێمە؟»
- 21
- عیسای گۆتە وی: «ئەگەر تە بڤێت تۆ یێ كامل بی، هەڕە تشتێن خۆ بفرۆشە و بدە هەژاران، دێ تە گەنجینەیەك ل ئەسمانان هەبیت، پاشی وەرە ب دویڤ من بكەڤە.»
- 22
- دەمێ گەنجی ئەڤ ئاخفتنە بهیستی، چوو یێ خەمبار، چنكو ئەو خودان سامانەكێ مەزن بوو.
- 23
- ئینا عیسای گۆتە شاگردێن خۆ: «راستیە دبێژمە هەوە: زەحمەتە مرۆڤێ دەولەمەند بچیتە د پاشایەتیا ئەسمانان دا.
- 24
- دیسان دبێژمە هەوە: چوونا حێشترێ د كونا دەرزیكێ را ب ساناهیترە ژ ب ژۆركەفتنا دەولەمەندەكی بۆ پاشایەتیا خودێ.»
- 25
- دەمێ شاگردان ئەڤ تشتە بهیستی، گەلەك حێبەتی بوون و گۆتن: «ئەڤجا كی دشێت قورتال ببیت؟»
- 26
- عیسای بەرێ خۆ دا وان و گۆت: «ئەڤە ل نك مرۆڤان مەحالە، لێ ل نك خودێ، هەمی تشت د شیان دانە.»
- 27
- وی دەمی پەترۆسی لێ ڤەگێڕا و گۆت: «ئەڤە مە هەمی تشت یێن هێلاین و ئەم یێ ب دویڤ تە كەفتین. ئەڤجا بۆ مە دێ چ هەبیت؟»
- 28
- عیسای بەرسڤا وان دا: «ب راستی دبێژمە هەوە: د نویكرنێ[h] دا، دەمێ كوڕێ مرۆڤ ل سەر تەختێ مەزناهیا خۆ دروینیت، هوین ئەوێن ب دویڤ من كەفتین، دێ ل سەر دوازدە تەختان روینن و دادوەریێ ل سەر هەر دوازدە هۆزێن ئیسرائیل كەن.
- 29
- هەر كەسێ خانی، یان برا، یان خویشك، یان باب، یان دایك، یان زاڕۆك یان زەڤی ژ پێخەمەت ناڤێ من هێلا بیت، دێ سەد جاركی هندێ وەرگریت و دێ ژیانا هەروهەر ب میرات وەرگریت.
- 30
- لێ گەلەكێن پێشیێ دێ بنە یێن پاشیێ و گەلەكێن پاشیێ دێ بنە یێن پێشیێ.»
- a. 19:1
q رویبارێ ئوردن: دكەڤیتە رۆژهەلاتێ ئورشەلیمێ و ‹لایێ دی یێ رویبارێ ئوردن› رۆژهەلاتێ رویباریە. - b. 19:4 دەستپێكرن 1:27
- c. 19:5 دەستپێكرن 2:24
- d. 19:7 گۆتارا مووسای 24:1
- e. 19:12 دەق و دەق: ‹یێن ژ پێخەمەت پاشایەتیا ئەسمانان خۆ خەساندی›.
- f. 19:19 دەركەفتن 20:12-16؛ گۆتارا مووسای 5:16-20؛ هەروەسا ل فەرهەنگۆكێ بنێڕە دەهـ فەرمان*.
- g. 19:19 پەرستن و پیرۆزی 19:18
- h. 19:28
q د نویكرنێ دا: ئانكو ئەو سەردەمێ مەسیح دهێتەڤە و حوكمی ل جیهانێ دكەت.
