عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
یوحەننایێ تافیركەر 
1
ل ساڵا پازدێ ژ حوكمڕانیا تیبەریوسێ قەیسەر، دەمێ پیلاتۆسێ پونتی والیێ یەهودیایێ و هێرودێس دەستهەلاتدارێ جەلیلێ[a] و برایێ وی فیلیپوس دەستهەلاتدارێ ئیتوریایێ و تراخونیتسێ و لیسانیوس دەستهەلاتدارێ ئەبیلینێ،
2
دەمێ حەننان و قەیافای سەرۆكاتیا كاهنان دكر، هنگی پەیڤا خودێ بۆ یوحەننایێ كوڕێ زەكەریای ل چۆلی هات.
3
یوحەننا چوو ل سەرانسەری رویبارێ ئوردن رادگەهاند، كو خەلك ل خۆ بزڤڕن و بهێنە تافیركرن، داكو ل گونەهێن وان بهێتە بورین.
4
هەروەكو د پەرتووكا ئیشایا پێغەمبەری دا هاتیە نڤیسین:
«دەنگەك ل چۆلی گازی دكەت:
‹رێكێ بۆ خودانی ئامادە بكەن،
پەیادەڕێیان بۆ هاتنا وی راست بكەن،
5
هەر نهالەك دێ هێتە داگرتن
و هەر چیایەك و گرەك دێ هێتە نزمكرن
و ئەو رێیێن خواروڤیچ دێ هێنە راستكرن
و یێن سەخت و دژوار دێ هێنە دروستكرن
6
و هەر كەسەك دێ قورتالبوونا خودێ بینیت.›»[b]
7
یوحەننای دگۆتە ئەوان كەسان، یێن لێ خڕڤەبووین دا ل سەر دەستێ وی بهێنە تافیركرن: «هەی تێژكێن ماران، كێ هوین ئاگەهدار كرینە ژ تۆڕەبوونا بهێت بڕەڤن؟
8
بەرهەمێن وەسا بدەن، كو هەژی لخۆزڤڕینێ بن و د دلێ خۆ دا نەبێژن ‹ئیبراهیم بابێ مەیە.› چنكو ئەز دبێژمە هەوە: خودێ دشێت ژ ڤان بەران زاڕۆكان بۆ ئیبراهیمی دەربئێخیت.
9
ئەڤە دەڤێ بڤری یێ ل سەر رەها دارێ هاتیە دانان. ئەڤجا هەر دارەكا بەرهەمەكێ باش نەدەت، دێ هێتە بڕین و بۆ ناڤ ئاگری هێتە هاڤێتن.»
10
كۆمبوویان پرسیار ژێ كر: «پا ئەم چ بكەین؟»
11
یوحەننای بەرسڤا وان دا: «یێ دوو كراس هەبن، بلا ئێكی بدەتە یێ بێ كراس و یێ خوارن هەبیت، بلا هەر وی تشتی بكەت.»
12
هندەك باجگر ژی هاتن داكو بهێنە تافیركرن و پرسیار ژێ كر: «مامۆستا، ئەم چ بكەین؟»
13
یوحەننای گۆتە وان: «پتر ژ وێ یا بۆ هەوە هاتیە دەستنیشانكرن وەرنەگرن.»
14
هندەك سەربازان ژی پرسیار ژێ كر «پا ئەم چ بكەین؟» یوحەننای بەرسڤا وان دا: «ب زۆری یان ب شاهدەییا درەو پارەی ژ كەسێ نەستینن و ب مووچێ خۆ رازی بن.»
15
خەلك یێ ب هیڤی بوو و هەمیان دەربارەی یوحەننای د دلێ خۆ دا پرسیار دكر: «ئەرێ ئەڤە مەسیحە؟»
16
یوحەننای بەرسڤا وان هەمیان دا: «ئەز هەوە ب ئاڤێ تافیر دكەم، لێ ئێكێ ژ من ب هێزتر دێ هێت، ئەوێ ئەز هەژی هندێ نینم بەندكێ پێلاڤا وی ڤەكەم. ئەو دێ هەوە ب گیانێ پیرۆز و ئاگری تافیر كەت.
17
ملهێبا وی یا د دەستی دا، دا بێدەرا خۆ پاقژ بكەت و گەنمی د عومبارا خۆ دا خڕڤە كەت، لێ كایێ دێ ب ئاگرەكێ ناڤەمریێت، سوژیت.»
18
هۆسا یوحەننای دەربارەی گەلەك تشتێن دی ئاگەهداریا خەلكی دكر و مزگینی ددا وان.
19
لێ هێرودێسێ دەستهەلاتدار، ئەوێ یوحەننای پاشڤە بری، ژ بەر ژنبرا وی هیرودیایێ و ژ بەر هەمی خرابیێن وی كرین،
20
زێدەباری ئەوان هەمیان ئەو رابوو یوحەننا كرە د زیندانێ دا.
تافیركرنا عیسای 
21
دەمێ هەمی خەلك هاتینە تافیركرن، عیسا ژی هاتە تافیركرن. دەمێ عیسای نڤێژ دكر، ئەسمان ڤەبوو
22
و گیانێ پیرۆز ب شێوەیێ لەشەكێ وەكو كووترەكێ هاتە خوار و ل سەر وی دادا و دەنگەك ژ ئەسمانی هات و گۆت: «تۆ كوڕێ منی یێ خۆشتڤی، دلێ من ب تە یێ خۆش بووی.»
بنیاتێ عیسای 
23
دەمێ عیسای دەست پێ كری، ژیێ وی نێزیكی سیهـ ساڵان بوو و ل نك خەلكی ئەو بوو، كو عیسا كوڕێ یوسڤێ كوڕێ هالیێ
24
كوڕێ متساتێ كوڕێ لێڤیێ كوڕێ مەلكیێ كوڕێ یەننایێ كوڕێ یوسڤی،
25
كوڕێ مەتسیایێ كوڕێ عامۆسێ كوڕێ ناحومێ كوڕێ حەسلیێ كوڕێ نەجای،
26
كوڕێ مەئاسێ كوڕێ مەتسیایێ كوڕێ شیمعیێ كوڕێ یوسێخێ كوڕێ یۆدای،
27
كوڕێ یوحەننایێ كوڕێ ریسایێ كوڕێ زەروبابلێ كوڕێ شەئەلتئیلێ كوڕێ نەری،
28
كوڕێ مەلكیێ كوڕێ ئەددەیێ كوڕێ قوسەمێ كوڕێ ئەلمودامێ كوڕێ عیری،
29
كوڕێ یەشوعێ كوڕێ ئەلیعەزەرێ كوڕێ یوریمێ كوڕێ مەتساتێ كوڕێ لێڤی،
30
كوڕێ شەمعونێ كوڕێ یەهودایێ كوڕێ یوسڤێ كوڕێ یونامێ كوڕێ ئەلیاقیمی،
31
كوڕێ مەلەیایێ كوڕێ مەینانێ كوڕێ مەتتاسایێ كوڕێ ناتانێ كوڕێ داوودی،
32
كوڕێ یێشایێ كوڕێ عوڤێدێ كوڕێ بوعەزێ كوڕێ سەلمۆنێ كوڕێ نەحشۆنی،
33
كوڕێ عەمینادابێ كوڕێ ئادمینێ كوڕێ ئارامێ كوڕێ حەسرونێ كوڕێ پێرێزێ كوڕێ یەهودای،
34
كوڕێ یەعقوبێ كوڕێ ئیسحاقێ كوڕێ ئیبراهیمێ كوڕێ تەراحێ كوڕێ ناحۆری،
35
كوڕێ سەرووگێ كوڕێ رەعویێ كوڕێ پەلەگێ كوڕێ ئێبەرێ كوڕێ شەلاحی،
36
كوڕێ قینانێ كوڕێ ئەرپەخشادێ كوڕێ سامێ كوڕێ نوحێ كوڕێ لامەخی،
37
كوڕێ مەتوشالەحێ كوڕێ حەنۆخێ كوڕێ یارەدێ كوڕێ مەهەلەلئێلێ كوڕێ قینانی،
38
كوڕێ ئەنوشێ كوڕێ شیتێ كوڕێ ئادەمێ كوڕێ خودێ یە.
  1. a. 3‏:1 هێرودێس ئەنتیپاس. ل فەرهەنگۆكێ بنێڕە: \k هێرودێس\k*
  2. b. 3‏:6 ئیشایا 40‏:3‏-5