عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- داوەتا ل باژێڕێ قانا ل دەڤەرا جەلیل
- 1
- دوو رۆژان پشتی هنگی داوەتەك ل قانایا جەلیلێ هەبوو و دایكا عیسای ل وێرێ بوو.
- 2
- عیسا و شاگردێن وی ژی بۆ داوەتێ هاتبوونە داخوازكرن.
- 3
- دەمێ شەراب نەمای، دایكا عیسای گۆتە وی: «وان شەراب نەما.»
- 4
- عیسای گۆتە وێ: «خانم، من چ پەیوەندی پێڤە هەیە؟ دەمێ من هێشتا نەهاتیە.»
- 5
- دایكا وی گۆتە خزمەتكاران: «چ دبێژیتە هەوە، هوین وێ بكەن.»
- 6
- شەش جڕنیێن[a] بەری، كو ژ بۆ داب و نەریتێن پاقژكرنێ یێن جوهیان، ل وێرێ بوون، هەر ئێك ژ وان هەشتێ هەتا سەد و بیست لیترێن ئاڤێ[b] دچوونێ.
- 7
- عیسای گۆتە وان: «جڕنیان تژی ئاڤ بكەن.» ئینا وان هند كرێ هەتا دایە د لێڤان را.
- 8
- پاشی گۆتە وان: «نوكە ژێ ببەن و بۆ رێبەرێ مێڤانداریێ پێشكێش بكەن.» وان ژی وە كر.
- 9
- دەمێ رێبەرێ مێڤانداریێ تام كریە وێ ئاڤا بوویە شەراب، وی نەدزانی كا ئەو ژ كیڤە ئینایە، لێ خزمەتكارێن ئاڤ كێشای دزانی، ئینا رێبەرێ مێڤانداریێ گازی زاڤای كر
- 10
- و گۆتێ: «هەمی كەس ل بەراهیێ شەرابا باش پێشكێش دكەن و پشتی مێڤان سەرخۆش دبن، یا ئەرزانتر پێشكێش دكەن، لێ تە شەرابا باش بۆ نوكە یا هەلگرتی!»
- 11
- عیسای ئەڤ تشتە ل قانایا جەلیلێ كر، ئەڤە نیشانا وی یا دەستپێكێ بوو. ئەوی هۆسا مەزناهیا خۆ دیار كر و شاگردێن وی باوەری پێ ئینا.
- 12
- پشتی ڤێ چەندێ، عیسا و دایكا خۆ و برایێن خۆ و شاگردێن خۆ خواركەفتنە باژێڕێ كەفەرناحومێ و چەند رۆژەكان ل وێرێ مان.
- عیسا پەرستگەهێ پاقژ دكەت
- 13
- جەژنا دەربازبوونێ[c] یا جوهیان نێزیك بوو، ئینا عیسا سەركەفتە ئورشەلیمێ.
- 14
- وی د حەوشا پەرستگەهێ دا فرۆشكارێن چێل، پەز و كووتران و پارەگوهۆڕێن روینشتی دیتن،
- 15
- ئینا قامچیەك ژ بەندكان ڤەهاند و هەمی، ل گەل چێل و پەزێن وان، ژ پەرستگەهێ كرنە دەرێ، مێزێن پارەگوهۆڕان ب سەرئێك دا ئینانە خوار و پارەیێن وان بژاڵە كرن،
- 16
- گۆتە كووترفرۆشان: «ئەڤان ژ ڤێرێ راكەن، مالا بابێ من نەكەنە جهێ بازرگانیێ!»
- 17
- هاتە بیرا شاگردێن وی كو یا نڤیسیە: «ئیرەیی[d] ل سەر مالا تە دێ من خۆت.»[e]
- 18
- وی دەمی جوهیان پرسیار ژێ كر: «دێ تۆ چ نیشان نیشا مە دەی، كو تە دەستهەلاتا هەی، بۆ ڤان تشتێن تۆ دكەی؟»
- 19
- عیسای بەرسڤ دا و گۆتە وان: «ئەڤێ پەرستگەهێ بهەڕفینن و د سێ رۆژان دا دێ ئاڤا كەم.»
- 20
- جوهیان گۆت: «ئەڤ پەرستگەهە ب چل و شەش ساڵان هاتیە ئاڤاكرن، ئەرێ تۆ د سێ رۆژان دا دێ ئاڤا كەی؟»
- 21
- لێ ئەوی بەحسێ پەرستگەها لەشێ خۆ دكر.
- 22
- دەمێ ژ ناڤ مریان رابووی، هاتە بیرا شاگردێن وی كو وی ئەڤ ئاخفتنە گۆتبوو، ئینا باوەر ژ نڤیسارێ[f] و ئاخفتنا عیسای گۆتی كر.
- دلێ هەر كەسەكی بۆ عیسای یێ ئاشكرایە
- 23
- دەمێ ل جەژنا دەربازبوونێ، ئەو ل ئورشەلیمێ، گەلەكان باوەری ب ناڤێ وی ئینا، چنكو وان ئەو نیشانێن كرین دیتن.
- 24
- لێ عیسای خۆ ب دەست وان ڤە بەرنەددا، چنكو وی هەمی دنیاسین.
- 25
- ئەو یێ پێدڤی نەبوو كەس بۆ وی دەربارەی مرۆڤان شاهدەییێ بدەت، چنكو ئەوی دزانی كا چ د دلێ مرۆڤان دا هەیە.
- a. 2:6
q جڕنی: جۆرەكێ ئامانێن ئاڤێیە. - b. 2:6 دەقێ یونانی دبێژیت ‹دوو تا سێ مێترێتێس› و هەر مێترێتێسەك نێزیكی چل لیترایە.
- c. 2:13 ل فەرهەنگۆكێ بنێڕە جەژنا دەربازبوونێ*.
- d. 2:17
q ئیرە: ب عەرەبی ‹غیرە›. - e. 2:17 زەبوور 69:9
- f. 2:22 زەبوور 16:10
