عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
1
دەربارەی دەم و ژڤانان ژی، گەلی خویشك و برایان، هوین پێدڤی نینن كەس بۆ هەوە بنڤیسیت.
2
چنكو هوین ب خۆ باش دزانن، كو رۆژا خودانی وەكو دزێ شەڤێ دهێت.[a]
3
دەمێ خەلك دبێژن: «ئاشتی و تەناهیە»، هنگی وێران دێ ژ نشكەكێ ڤە ب سەر وان دا هێت، هەروەكو ژان دهێنە دووگیانەكێ، ئەڤجا ئەو نەشێن ژێ بڕەڤن.
4
لێ هوین گەلی خویشك و برایان، نە د تاریاتیێ دانە، كو ئەو رۆژ وەكو دزەكی ب سەر هەوە دا بهێت.
5
چنكو هوین هەمی زاڕۆكێن رۆناهیێ و زاڕۆكێن رۆژێنە. ئەم نە یێن شەڤێ و نە ژی یێن تاریاتیێینە.
6
ئەڤجا ئەم نەنڤین وەكو یێن دی، لێ بلا ئەم د هشیار و ل سەر هشێن خۆ بین.
7
چنكو ئەوێن دنڤن، ب شەڤێ دنڤن و ئەوێن سەرخۆش دبن، ب شەڤێ سەرخۆش دبن.
8
لێ ژ بەر كو ئەم یێن رۆژێینە، دڤێت ل سەر هشێن خۆ بین و زریێ[b] باوەریێ و حەزژێكرنێ بكەینە بەر خۆ و كومزریێ[c] هیڤیا قورتالبوونێ بكەینە سەرێ خۆ.[d]
9
چنكو خودێ ئەم نە ژ بۆ تۆڕەبوونا خۆ یێن دەستنیشان كرین، لێ دا بگەهینە قورتالبوونێ، ب رێیا خودانێ مە عیسایێ مەسیح،
10
ئەوێ ژ پێخەمەت مە مری، داكو ئەگەر ئەم د هشیار بین یان ژی د نڤستی[e] ، ئەم ل گەل وی بژین.
11
لەوما هاندانا ئێكودوو بكەن و ئێكودوو ئاڤا بكەن، هەروەكو هوین نوكە دكەن.
شیرەت و سڵاڤێن دویماهیێ 
12
ئەڤجا ئەم هیڤی ژ هەوە دكەین، گەلی خویشك و برایان، كو هوین رێزێ ل وان بگرن، یێن د ناڤ هەوە دا خۆ دوەستینن و د باوەریا خودانی دا رێبەریا هەوە دكەن و شیرەتان ل هەوە دكەن.
13
ژ بەر كارێ وان، حەز ژ وان بكەن و ل نك هەوە گەلەك د بهاگران بن. ب ئاشتی ل گەل ئێكودوو بژین.
14
ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرەهـ بن.
15
هشیار بن كەس ژ ئەنجامێ خرابیێ، خرابیێ ل كەسێ نەكەت، لێ هەرگاڤ ل گەل ئێكودوو و ل گەل هەمیان ل دویڤ باشیێ هەڕن.
16
هەرگاڤ د دلخۆش بن،
17
ل سەر نڤێژان د بەردەوام بن،
18
د هەمی رەوشان دا سوپاسیا خودێ بكەن، چنكو ئەڤە حەزا خودێیە بۆ هەوە د ئێكبوونا ل گەل مەسیح عیسای دا.
19
گیانێ پیرۆز نەڤەمرینن.
20
سڤكاتیێ ب پەیامێن پێغەمبەران[f] نەكەن.
21
هەمی تشتان تاقی بكەن و خۆ ب یێ باش ڤە بگرن.
22
خۆ ژ هەمی جۆرێن خرابیێ دویر بئێخن.
23
بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.
24
ئەوێ گازی هەوە دكەت یێ دلسۆزە[g] و ئەو دێ وێ چەندێ كەت ژی.
25
گەلی خویشك و برایان، بۆ مە نڤێژان بكەن.
26
ب ماچەكا پیرۆز سڵاڤان ل هەمی خویشك و برایان بكەن.
27
ئەز هەوە ب خودانی ددەمە سویندێ كو ئەڤ نامەیە بۆ هەمی خویشك و برایان بهێتە خواندن.
28
كەرەما خودانێ مە عیسایێ مەسیح ل سەر هەوە بیت.
  1. a. 5‏:2 مەتتا 24‏:43؛ لوقا 12‏:39؛ 2 پەترۆس 3‏:10
  2. b. 5‏:8 q زری: جلكەكێ ئاسنیە، شەڕكەران ژ شیر و تیران دپارێزیت.
  3. c. 5‏:8 q كومزری: كولاڤێ ئاسنیە.
  4. d. 5‏:8 ئیشایا 59‏:17؛ ئەفەسۆس 6‏:13‏-17
  5. e. 5‏:10 د ڤێ ئایەتێ دا مەبەست ژ ‹هشیار یان نڤستی› ئەوە كو: ‹ساخ یان مری›. بنێڕە 4‏:13
  6. f. 5‏:20 q پێغەمبەر: ئەوێن د ناڤ جڤاكا باوەرداران دا پەیاما خودێ رادگەهینن. ل فەرهەنگۆكێ بنێڕە.
  7. g. 5‏:24 q دلسۆز: ئانكو وەفادار