عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
عیسا و حه‌زره‌تی یه‌حیا 
1
پاش ئه‌وه‌ی عیسا له‌ ڕێنمایی دوازده‌ قوتابییه‌كه‌ی ته‌واو بوو، له‌وێ ڕۆیشت و چوو بۆ فێركردن و ڕاگه‌یاندنی په‌یامی خودا له‌ شارۆچكه‌كانیان.
2
كاتێك یه‌حیا له‌ زیندانه‌كه‌دا كاره‌كانی مه‌سیحی بیست، قوتابییه‌كانی خۆی نارد و
3
پێی گوت: «تۆی ئه‌وه‌ی دێت، یان چاوه‌ڕێی یه‌كێكی دیكه‌ بكه‌ین؟»
4
عیساش له‌ وه‌ڵامدا پێی فه‌رموون: «بڕۆن، ئه‌وه‌ی ده‌یبیستن و ده‌یبینن به‌ یه‌حیای ڕابگه‌یه‌نن:
5
كوێر ده‌بینێت، شه‌ل ده‌ڕوات، گه‌ڕوگول پاك ده‌بێته‌وه‌، كه‌ڕ ده‌بیستێت، مردوو هه‌ڵده‌ستێته‌وه‌ و هه‌ژار مزگێنی پێده‌درێت[a] .
6
خۆزگه‌ ده‌خوازرێت به‌وه‌ی له‌ من بێ هیوا نابێت.»
7
له‌ كاتێكدا قوتابییه‌كانی یه‌حیا ده‌ڕۆیشتن، عیسا ڕووی له‌ خه‌ڵكه‌كه‌ كرد و سه‌باره‌ت به‌ یه‌حیا فه‌رمووی: «بۆ بینینی چی چوونه‌ چۆڵه‌وانی؟ قامیشێك كه‌ با ده‌یجوڵێنێته‌وه‌؟
8
ئه‌ی بۆ بینینی چی چوون؟ مرۆڤێك كه‌ جلوبه‌رگی گرانبه‌های پۆشیوه‌؟ نه‌خێر، ئه‌وانه‌ی جلوبه‌رگی گرانبه‌ها ده‌پۆشن له‌ كۆشكی پاشاكانن.
9
ئیتر بۆ بینینی چی چوون؟ پێغه‌مبه‌رێك؟ به‌ڵێ، پێتان ده‌ڵێم، له‌ پێغه‌مبه‌ریش مه‌زنتر.
10
یه‌حیا ئه‌و كه‌سه‌یه‌ كه‌ ده‌رباره‌ی نووسراوه‌:
«{من نێردراوی خۆم له‌پێشته‌وه‌ ده‌نێرم،
ئه‌وه‌ی ڕێگات بۆ ئاماده‌ ده‌كات.}[b]
11
ڕاستیتان پێ ده‌ڵێم: له‌نێو ئه‌وانه‌ی له‌ ژن له‌دایك بوون، كه‌س له‌ یه‌حیای له‌ئاوهه‌ڵكێش پایه‌به‌رزتر نییه‌، به‌ڵام بچووكترینی ئه‌وه‌ی له‌ شانشینی ئاسمانه‌ له‌و پایه‌به‌رزتره‌.
12
له‌ ڕۆژانی یه‌حیای له‌ئاوهه‌ڵكێشه‌وه‌ هه‌تا ئێستا شانشینی ئاسمان به‌ هێز تێده‌كۆشێت، تێكۆشه‌رانیش ده‌ستی پێوه‌ده‌گرن[c] ،
13
چونكه‌ هه‌موو پێغه‌مبه‌ران و ته‌ورات، هه‌تا هاتنی یه‌حیا پێشبینییان كردووه‌.
14
ئه‌گه‌ر ده‌تانه‌وێ په‌سه‌ندی بكه‌ن، ئه‌مه‌ ئه‌لیاسه‌ كه‌ خه‌ریكه‌ بێت[d] .
15
ئه‌وه‌ی گوێی هه‌یه‌ با ببیستێت!
16
«به‌ڵام ئه‌م نه‌وه‌یه‌ به‌ چی به‌راورد بكه‌م؟ له‌و منداڵانه‌ ده‌چن كه‌ له‌ بازاڕه‌كاندا دانیشتوون و بانگی یه‌كتری ده‌كه‌ن و
17
ده‌ڵێن:
«”زوڕنامان بۆ لێدان و هه‌ڵنه‌په‌ڕین،
شینمان بۆ گێڕان و له‌ خۆتان نه‌دا.“
18
چونكه‌ یه‌حیا هات، نه‌یده‌خوارد و نه‌یده‌خوارده‌وه‌، گوتیان: ”ڕۆحی پیسی تێدایه‌.“
19
كوڕی مرۆڤ هات، ده‌خوات و ده‌خواته‌وه‌، ده‌ڵێن: ”ئه‌مه‌ كابرایه‌كی نه‌وسن و مه‌یخۆره‌، هاوڕێی باجگران و گوناهبارانه‌.“ به‌ڵام دانایی به‌ كرداره‌كانی سه‌لمێنرا.»
شاره‌ گوناهباره‌كان 
20
ئینجا عیسا ده‌ستی به‌ سه‌رزه‌نشتكردنی ئه‌و شارانه‌ كرد كه‌ زۆربه‌ی په‌رجووه‌كانی تێیاندا نواندبوو، چونكه‌ تۆبه‌یان نه‌كردبوو.
21
«قوڕبه‌سه‌رت، ئه‌ی شاری خورازین! قوڕبه‌سه‌رت، ئه‌ی بێت‌سه‌یدا! چونكه‌ ئه‌و په‌رجووانه‌ی له‌نێو ئێوه‌دا كران، ئه‌گه‌ر له‌ سور و سه‌یدا بكرایه‌، هه‌ر زوو به‌ جلوبه‌رگی گوش[e] و له‌ناو خۆڵه‌مێش تۆبه‌یان ده‌كرد.
22
به‌ڵام پێتان ده‌ڵێم: له‌ ڕۆژی لێپرسینه‌وه‌دا سزای سور و سه‌یدا سووكتر ده‌بێت له‌وه‌ی بۆ ئێوه‌یه‌.
23
تۆش ئه‌ی كه‌فه‌رناحوم، ئایا بۆ ئاسمان به‌رز ده‌كرێیته‌وه‌؟ نه‌خێر، تۆ بۆ جیهانی مردووان[f] ده‌چیته‌ خواره‌وه‌، چونكه‌ ئه‌گه‌ر له‌ سه‌دۆمدا ئه‌و په‌رجووانه‌ بكرایه‌ كه‌ له‌نێو تۆدا كرا، ئه‌وا تاكو ئه‌مڕۆ ده‌مایه‌وه‌.
24
به‌ڵام پێتان ده‌ڵێم: له‌ ڕۆژی لێپرسینه‌وه‌دا سزای خاكی سه‌دۆم له‌ هی تۆ سووكتر ده‌بێت.»
وه‌رن بۆ لام، من ده‌تانحه‌سێنمه‌وه‌ 
25
له‌و كاته‌دا عیسا فه‌رمووی: «ئه‌ی باوك سوپاست ده‌كه‌م، په‌روه‌ردگاری زه‌وی و ئاسمان، چونكه‌ ئه‌مانه‌ت له‌ دانا و تێگه‌یشتووان شاردووه‌ته‌وه‌ و بۆ منداڵانت ئاشكرا كردووه‌.
26
به‌ڵێ ئه‌ی باوك، چونكه‌ ئه‌مه‌ت پێ باش بوو.
27
«باوكم هه‌موو شتێكی پێ سپاردووم، كه‌س كوڕه‌كه‌ ناناسێت باوك نه‌بێت، كه‌سیش باوك ناناسێت ته‌نها كوڕه‌كه‌ و ئه‌وه‌ نه‌بێت كه‌ كوڕه‌كه‌ ده‌یه‌وێ بۆی ئاشكرا بكات.
28
«وه‌رن بۆ لام ئه‌ی هه‌موو ماندووان و بارگرانه‌كان، من ده‌تانحه‌سێنمه‌وه‌.
29
نیری من بخه‌نه‌ سه‌ر خۆتان و له‌ منه‌وه‌ فێربن، چونكه‌ دڵنه‌رم و بێفیزم، حه‌سانه‌وه‌ش بۆ ده‌روونتان ده‌دۆزنه‌وه‌.
30
نیره‌كه‌م گونجاوه‌ و بارم سووكه‌.»
  1. a. 11‏:5 مه‌به‌ست له‌ هاتنی مه‌سیحه‌ وه‌ك ڕزگاركه‌ر، بڕوانه‌ \+xt لۆقا 4‏:18‏\+xt*‏.
  2. b. 11‏:10 \+xt مه‌لاخی 3‏:1‏\+xt*‏
  3. c. 11‏:12 بڕوانه‌ \+xt لۆقا 16‏:16‏\+xt*‏.
  4. d. 11‏:14 بڕوانه‌\+xt مه‌لاخی 4‏:5،‏\+xt*‏ پێش هاتنی ڕۆژی لێپرسینه‌وه‌ ئه‌لیاس دێته‌وه‌.
  5. e. 11‏:21 له‌ كاتی ماته‌مگێڕان و تۆبه‌كردندا جلوبه‌رگی له‌ گوش دروستكراویان له‌به‌ركردووه‌ كه‌ ئه‌زیه‌تی پێستیانی داوه‌.
  6. f. 11‏:23 یۆنانی: \+tl هادیس\+tl*: له‌ ئه‌ندێشه‌ یۆنانییه‌كان شوێنی ڕۆحی مردووانه‌ له‌دوای مردن و به‌ر له‌ حوكمدانی یه‌كجاره‌كی. به‌رامبه‌ر \+tl شیۆل\+tl*ی په‌یمانی كۆنه‌. بڕوانه‌ \+xt په‌یدابوون 37‏:35.‏\+xt*‏