عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
چه‌كداربوون به‌و بیروڕایه‌ 
1
وه‌ك مه‌سیح به‌ جه‌سته‌ ئازاری چێژت، ئێوه‌ش خۆتان به‌م بیروڕایه‌ چه‌كدار بكه‌ن، چونكه‌ ئه‌وه‌ی به‌ جه‌سته‌ ئازار بچێژێ له‌ گوناه كردن ده‌وه‌ستێ،
2
تاكو ئه‌و كاته‌ی به‌ جه‌سته‌ له‌ ژیاندا ماوه‌ بۆ هه‌وه‌سی مرۆڤانه‌ نه‌ژی، به‌ڵكو بۆ خواستی خودا.
3
ئیتر ئه‌و كاته‌ی له‌ كردنی خواستی بێباوه‌ڕان به‌سه‌رتان برد به‌سه‌، له‌ به‌ڕه‌ڵایی، هه‌وه‌سبازی، سه‌رخۆشی، ڕابواردن، ئاهه‌نگی شه‌رابخواردنه‌وه‌، بتپه‌رستی قێزه‌ون.
4
له‌مه‌ سه‌رسام ده‌بن كه‌ له‌گه‌ڵیان ڕاناكه‌ن بۆ لافاوی هه‌مان به‌دڕه‌وشتی و جنێوتان پێده‌ده‌ن.
5
به‌ڵام ئه‌وانه‌ حیسابی خۆیان ده‌ده‌ن به‌وه‌ی كه‌ ئاماده‌یه‌ مردووان و زیندووان حوكم بدات،
6
چونكه‌ بۆ ئه‌م هۆیه‌ مژده‌ درایه‌ مردووانیش، تاكو به‌گوێره‌ی خه‌ڵك له‌ جه‌سته‌دا حوكم بدرێن، به‌ڵام به‌گوێره‌ی خودا له‌ ڕۆحدا بژین.
7
كۆتایی هه‌موو شتێك نزیك بووه‌ته‌وه‌. بۆیه‌ ژیر و چاوكراوه‌ بن تاكو نوێژ بكه‌ن.
8
له‌ سه‌رووی هه‌موو شتێكه‌وه‌ خۆشه‌ویستیتان بۆ یه‌كتری به‌ هێز بێت، چونكه‌ خۆشه‌ویستی گوناهی زۆر داده‌پۆشێت.
9
بێ بۆڵه‌بۆڵ میوانداریه‌تی یه‌كتری بكه‌ن.
10
هه‌ریه‌كه‌ به‌گوێره‌ی ئه‌و به‌هره‌یه‌ی وه‌ریگرتووه‌، خزمه‌تی یه‌كتری پێ بكه‌ن، وه‌ك سه‌ركارێكی باش له‌سه‌ر نیعمه‌ته‌ جۆراوجۆره‌كانی خودا.
11
ئه‌گه‌ر یه‌كێك وتار ده‌دات، با به‌ جۆرێك بدوێت وه‌ك كه‌سێك كه‌ په‌یامی خودا ڕابگه‌یه‌نێت. ئه‌گه‌ر یه‌كێك خزمه‌ت ده‌كات وه‌ك به‌ هێزێك له‌ خوداوه‌ درا بێت، تاكو خودا له‌ هه‌موو شتێكدا شكۆدار بێت به‌ عیسای مه‌سیح، هه‌تاهه‌تایه‌ شكۆ و ده‌سه‌ڵات بۆ ئه‌وه‌. ئامین.
وه‌ك قوتابی مه‌سیح ئازار بدرێن 
12
خۆشه‌ویستان، له‌لاتان سه‌یر نه‌بێ له‌ تاقیكردنه‌وه‌تان به‌ڵای سووتێنه‌ر تووشتان دێت، وه‌ك بڵێی شتێكی سه‌یرتان به‌سه‌رهاتووه‌،
13
به‌ڵكو دڵخۆش بن وه‌كو به‌شداریتان له‌ ئازاره‌كانی مه‌سیحدا كرد، تاكو له‌ ئاشكراكردنی شكۆیه‌كه‌ی دڵخۆش و شادمان بن.
14
ئه‌گه‌ر به‌ ناوی مه‌سیح جنێوتان پێدرا، خۆزگه‌ ده‌خوازرێت به‌ ئێوه‌، چونكه‌ ڕۆحی شكۆ و خودا دێته‌ سه‌رتان.
15
با كه‌ستان وه‌ك بكوژێك یان دزێك یان به‌دكارێك یاخود یه‌كێك ده‌ست له‌ كاروباری خه‌ڵك وه‌ربدات ئازار نه‌چێژێ،
16
به‌ڵام ئه‌گه‌ر وه‌ك قوتابی مه‌سیح ئازار بدرێن، شه‌رم مه‌كه‌ن، به‌ڵكو ستایشی خودا بكه‌ن كه‌ ناوی مه‌سیحتان هه‌ڵگرتووه‌،
17
چونكه‌ كاتی ده‌ستپێكردنی لێپرسینه‌وه‌یه‌ له‌ گه‌لی خودا. ئه‌گه‌ر ده‌ستپێك له‌ ئێمه‌وه‌ بێت، كۆتایی ئه‌وانه‌ چی ده‌بێت كه‌ گوێڕایه‌ڵی په‌یامی ئینجیلی خودا نابن؟
18
{ئه‌گه‌ر كه‌سی ڕاستودروست به‌ زه‌حمه‌ت ڕزگاری ببێت،
ئه‌ی چاره‌نووسی خراپه‌كار و گوناهبار چۆن ده‌بێت؟}[a]
19
بۆیه‌ ئه‌وانه‌ی به‌گوێره‌ی خواستی خودا ئازار ده‌درێن، با خۆیان بده‌نه‌ ده‌ست به‌دیهێنه‌ری دڵسۆز و به‌رده‌وام بن له‌ چاكه‌كاری.
  1. a. 4‏:18 \+xt په‌نده‌كان 11‏:31‏\+xt*‏