عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
فریشتە و پەرتووكا بچویك 
1
هنگی من فریشتەیەكێ دی یێ بهێز دیت، ژ ئەسمانی دهاتە خوارێ، عەورەك د وی یێ پێچای بوو و كەسكوسۆرەك ل هنداڤی سەرێ وی بوو و دێمێ وی وەكو رۆژێ بوو و پێیێن وی وەكو ستوینێن ئاگری بوون.
2
پەرتووكەكا بچویك یا ڤەكری د دەستێ وی دا بوو. پێیێ خۆ یێ راستێ دانا سەر دەریای و یێ چەپێ دانا سەر ئەردی
3
و ب دەنگەكێ بلند كرە گازی، هەروەكو شێر دنڕیت. دەمێ وی كریە گازی، هەر حەفت گڕگڕێن عەوران ب دەنگێ خۆ ئاخفتن.
4
دەمێ هەر حەفت گڕگڕێن عەوران ب دەنگێ خۆ ئاخفتین، من ل بەر بوو دەست ب نڤیسینێ بكەم، لێ من دەنگەك ژ ئەسمانی بهیست دگۆت: «ئەوا حەفت گڕگڕێن عەوران گۆتی، موهر بكە[a] و نە نڤیسە.»
5
ئەو فریشتەیێ من دیتی ل سەر دەریای و ئەردی یێ راوەستیای، دەستێ خۆ یێ راستێ بەرەڤ ئەسمانی ڤە بلند كر
6
و سویند ب وی خوار یێ هەروهەر زیندی، ئەوێ ئەسمان و یێن تێدا، ئەرد و یێن تێدا، دەریا و یێن تێدا ئافراندین: «ئێدی گیرۆبوون نابیت!
7
لێ د وان رۆژان دا یێن كو فریشتەیێ حەفتێ ل بەرە ل بوڕیزانێ بدەت، دێ نهێنیا خودێ ب جهـ هێت، هەروەكو وی بۆ بەنیێن خۆ یێن پێغەمبەر راگەهاندی.»
8
ئەو دەنگێ من ژ ئەسمانی بهیستی، جارەكا دی ل گەل من ئاخفت و گۆت: «هەڕە پەرتووكا ڤەكری، ئەوا د دەستێ فریشتەیێ راوەستیای دا ل سەر دەریایێ و ئەردی، ببە.»
9
ئینا ئەز چوومە نك فریشتەی و گۆتێ: «كا وێ پەرتووكا بچویك بدە من.» ئەوی گۆتە من: «ببە و بخۆ، ئەو دێ زكێ تە تەحل كەت، لێ د دەڤێ تە دا، دێ وەكو هنگڤینی یا شرین بیت.»
10
من پەرتووكا بچویك ژ دەستێ فریشتەی وەرگرت و خوار، ئەو د دەڤێ من دا وەكو هنگڤینی یا شرین بوو، لێ پشتی من خواری، زكێ من تەحل بوو.[b]
11
ئینا بۆ من هاتە گۆتن: «دڤێت تۆ دیسان دەربارەی گەلەك گەل و مللەت و زمان و پاشایان پەیامێ رابگەهینی.»
  1. a. 10‏:4 ئانكو ڤەشێرە و ئاشكرا نەكە.
  2. b. 10‏:8‏-10 حزقیێل 2‏:8‏ تاكو 3‏:3