عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
هەلویستێ جڤاكا باوەرداران ژ دەهمەنپیسیێ 
1
جهێ داخێیە كو دهێتە گۆتن دەهمەنپیسی د ناڤ هەوە دا هەیە، دەهمەنپیسیەكا وەسا كو د ناڤ پووتپەرێسان[a] ژی دا نینە: زەڵامەك ژ هەوە دەهمەنپیسیێ ل گەل ژنبابا خۆ دكەت![b]
2
ئەڤجا هوین دفنبلند بووینە! ما نە یا فەر بوو هەوە شینی دانابا؟ بلا ئەوێ ئەڤ كریارە كری ژ ناڤ هەوە بهێتە دەرئێخستن.
3
هەر چەندە ئەز ب لەشی یێ ئامادە نینم، لێ ب گیانی ئەز یێ ئامادەمە، ئەڤجا هەروەكو ئەز یێ ئامادە، من حوكم دانا سەر وی كەسی یێ وە كری:
4
ب ناڤێ خودانێ مە عیسای، دەمێ هوین د كۆمبوونێ دا بن، گیانێ من ژی ل گەل هەوە یێ ئامادە بیت، ل گەل هێزا خودانێ مە عیسای،
5
ڤی كەسێ هۆسا رادەستی ئبلیسی بكەن، بۆ وێرانكرنا لەشێ وی، دا د رۆژا خودانی دا گیانێ وی قورتال ببیت.
6
شانازی بخۆبرنا هەوە تشتەكێ نەباشە! ما هوین نزانن كو پیچەكا هەڤیرترشی، هەمی هەڤیری ترش دكەت؟
7
خۆ ژ هەڤیرترشێ كەڤن پاقژ بكەن، دا هوین ببنە هەڤیرەكێ نوی یێ بێ هەڤیرترش، كا چەوا ب راستی هوین د وەسانە. چنكو بەرخێ مە یێ جەژنا دەربازبوونێ[c] ، كو مەسیحە، یێ هاتیە سەرژێكرن.
8
ئەڤجا دا جەژنێ بكەین، نە ب هەڤیرترشێ كەڤن، هەڤیرترشێ بەدكاری و خرابیێ، لێ ب نانێ شكەڤا[d] یێ دلپاكی و راستیێ.[e]
9
من د نامەیا خۆ دا بۆ هەوە نڤیسی بوو، كو هوین تێكهەلیا دەهمەنپیسان نەكەن،
10
ب ئێكجاری مەبەستا من پێ دەهمەنپیسێن ڤێ جیهانێ نەبوو، یان چاڤبرس، یان تالانكەر، یان پووتپەرێس، ئەگەر مەبەستا من ئەڤە با، دڤیا هوین ژ ڤێ جیهانێ دەركەفتبان!
11
لێ من بۆ هەوە نڤیسی كو ئەگەر كەسەك وەكو برا[f] دهێتە نیاسین، لێ دەهمەنپیسە، یان چاڤبرسیە، یان پووتپەرێسە، یان ئەزمانڕەشە، یان سەرخۆشە یان تالانكەرە، تێكهەلیا وی نەكەن، خۆ خوارنێ ژی ل گەل ئێكێ هۆسا نەخۆن.
12
ما چ كارێ من ب دادكرنا یێن ژ دەرڤە[g] هەیە؟ ما نە پێدڤیە دادكرنا یێن د ژۆرڤە، هوین بكەن؟
13
دادكرنا یێن ژ دەرڤە، خودێ دێ كەت. «مرۆڤێ خراب ژ ناڤ خۆ دەربئێخن.»[h]
  1. a. 5‏:1 q پووتپەرێسان: صەنەمپەرێسان
  2. b. 5‏:1 گۆتارا مووسای 22‏:30
  3. c. 5‏:7 q جەژنا دەربازبوونێ: ل فەرهەنگۆكێ بنێڕە.
  4. d. 5‏:8 q نانێ شكەڤا: ئەو نانە یێ بێ هەڤیرترش دهێتە چێكرن. بنێڕە: جەژنا نانێ شكەڤا*.
  5. e. 5‏:7‏-8 دەركەفتن 12؛ 13‏:7
  6. f. 5‏:11 ئانكو باوەردارێ مەسیحی
  7. g. 5‏:12 مەبەست پێ ئەون یێن نەباوەردار.
  8. h. 5‏:13 گۆتارا مووسای 17‏:7